അങ്ങാടിപ്പുറത്ത് വാടക ക്വാര്‍ട്ടേഴ്‌സില്‍ കഴിയുന്ന ഏഴുവയസ്സുകാരിയെ 60കാരന്‍ പീഡിപ്പിച്ചെന്ന് പരാതി

പെരിന്തല്‍മണ്ണ: അങ്ങാടിപ്പുറത്ത് വാടക ക്വാര്‍ട്ടേഴ്‌സില്‍ കഴിയുന്ന ഏഴുവയസുകാരിയെ തൊട്ടടുത്ത ക്വാര്‍ട്ടേഴ്‌സില്‍ താമസിച്ചിരുന്ന 60കാരന്‍ പീഡിപ്പിച്ചതായി പരാതി. കുട്ടിയെ കുളിപ്പിക്കുന്നതിനിടെ സംശയം തോന്നിയ മാതാവ് കൂടുതല്‍ അന്വേഷിച്ചതോടെയാണ് വിവരമറിഞ്ഞത്. തുടര്‍ന്ന് ചൈല്‍ഡ് ലൈനില്‍ പരാതി നല്‍കി. പലതവണ ലൈംഗികമായി പീഡിപ്പിച്ചതായി പരാതിയില്‍ പറയുന്നു. ചൈല്‍ഡ് ലൈന്‍ അറിയിച്ചതുപ്രകാരം കുട്ടിയുടെ മൊഴിയെടുത്ത പെരിന്തല്‍മണ്ണ പോലിസ് പോക്‌സോ അടക്കമുള്ള വകുപ്പുകളില്‍ കേസെടുത്ത് അന്വേഷണം തുടങ്ങി. കുട്ടിയുടെ പിതാവും മാതാവും പണിക്കുപോവുന്നതിനാല്‍ കുട്ടി മാത്രമാണ് പകല്‍സമയങ്ങളില്‍ വീട്ടിലുണ്ടാവാറുള്ളതെന്നാണ് വിവരം.