പഞ്ചാബില് ആറു വയസ്സുകാരിയെ ബലാല്സംഗം ചെയ്ത് കൊന്നു
ചണ്ഡിഗഡ്: പഞ്ചാബിലെ ജലന്ധര് ജില്ലയില് ശനിയാഴ്ച വൈകീട്ട് കാണാതായ ആറ് വയസ്സുകാരിയെ ബലാല്സംഗം ചെയ്തു കൊലപ്പെടുത്തിയ നിലയില് കണ്ടെത്തി. ജലന്ധര് ഹോഷിയാര്പൂര് റോഡിലുള്ള ഹസാര ഗ്രാമത്തിലെ കരിമ്പ് വയലില് നിന്നാണ് ഞായറാഴ്ച മൃതദേഹം കണ്ടെത്തിയത്. ബിഹാറില് നിന്നെത്തിയ തൊഴിലാളി ദമ്പതികളുടെ മകളാണ് പീഡനത്തിനിരയായത്. ജോലി കഴിഞ്ഞ് തിരിച്ചെത്തിയപ്പോള് വീട്ടില് കുട്ടിയെ കാണാത്തതിനെ തുടര്ന്ന് പോലിസില് പരാതി നല്കിയിരുന്നു. ബിസ്കറ്റ് വാങ്ങിക്കൊടുക്കാന് സൈക്കിളില് കൊണ്ടുപോയെന്നും പിന്നീട് വീട്ടിലെത്തിച്ചെന്നും അയല്വാസിയും അകന്ന ബന്ധുവുമായ സന്തോഷ് ഇവരോട് പറഞ്ഞു. എന്നാല്, പെണ്കുട്ടിയുടെ മാതാപിതാക്കള് സമീപ പ്രദേശങ്ങളില് തിരച്ചില് തുടങ്ങിയതോടെ സന്തോഷ് ഓടി രക്ഷപ്പെട്ടതായി പോലിസ് പറഞ്ഞു. പിന്നീട് സന്തോഷിനെതിരേ കുടുംബം പരാതി നല്കി. തിരച്ചിലിനൊടുവിലാണ് പെണ്കുട്ടിയുടെ മൃതദേഹം ഞായറാഴ്ച കണ്ടെത്തിയതെന്ന് പോലിസ് ഉദ്യോഗസ്ഥര് പറഞ്ഞു. പ്രാഥമിക അന്വേഷണത്തില് പെണ്കുട്ടി ബലാല്സംഗം ചെയ്യപ്പെടുകയും പിന്നീട് കൊല്ലപ്പെടുകയും ചെയ്തതായും കണ്ടെത്തിയിട്ടുണ്ട്. മൃതദേഹം പോസ്റ്റ്മോര്ട്ടത്തിനയച്ചു. പ്രതിക്കെതിരേ കുട്ടികളെ തട്ടിക്കൊണ്ടുപോവല്, ബലാല്സംഗം, കൊലപാതകം എന്നീ കേസുകളും ലൈംഗിക കുറ്റകൃത്യങ്ങളില് നിന്ന് കുട്ടികളെ സംരക്ഷിക്കുന്നതിനുള്ള നിയമത്തിലെ പ്രസക്തമായ വകുപ്പുകളും രജിസ്റ്റര് ചെയ്തിട്ടുണ്ട്. സന്തോഷിനെ പിടികൂടാനുള്ള ശ്രമങ്ങള് തുടരുകയാണെന്നും പോലിസ് പറഞ്ഞു.
6-Year-Old Girl Found Allegedly Raped, Murdered In Punjab
RELATED STORIES
കസ്റ്റഡിയില്നിന്ന് രക്ഷപ്പെട്ട കുപ്രസിദ്ധ കുറ്റവാളി ബാലമുരുകനെ...
18 May 2024 4:25 AM GMTതിരഞ്ഞെടുപ്പ് ഫണ്ട് മണ്ഡലം പ്രസിഡന്റുമാര് മുക്കി; ആരെയും വെറുതെ...
17 May 2024 12:31 PM GMTപന്തീരാങ്കാവ് ഗാര്ഹിക പീഡന കേസിൽ ആദ്യ അറസ്റ്റ്: പിടിയിലായത് പ്രതി...
17 May 2024 12:28 PM GMTനീലഗിരി മേഖലയില് കനത്ത മഴയ്ക്കു സാധ്യത; 20 വരെ ഊട്ടി യാത്ര...
17 May 2024 12:19 PM GMTതിരുവനന്തപുരത്ത് ബ്യൂട്ടി പാർലർ ഉടമയായ സ്ത്രീ സ്ഥാപനത്തിനുള്ളിൽ...
17 May 2024 12:15 PM GMTകാഞ്ഞാര് അബ്ദുര് റസാഖ് മൗലവി; സമര പോരാട്ടങ്ങളിലെ നിര്ഭയ...
17 May 2024 12:04 PM GMT