ലിബിയയില് മിന്നല്പ്രളയം; 2300ലേറെ മരണം, 10000 പേരെ കാണാതായെന്ന് റെഡ് ക്രോസ്
തുര്ക്കി, ബള്ഗേറിയ, ഗ്രീസ് എന്നിവിടങ്ങളില് ആഞ്ഞടിച്ച ഡാനിയല് കൊടുങ്കാറ്റ് മെഡിറ്ററേനിയനില് വീശിയടിച്ചതിനെ തുടര്ന്നാണ് ലിബിയയില് വന് വെള്ളപ്പൊക്കമുണ്ടായത്.
ട്രിപ്പോളി: ഉത്തര ആഫ്രിക്കന് രാജ്യമായ ലിബിയയിലുണ്ടായ മിന്നല്പ്രളയത്തില് രണ്ടായിരത്തിലേറെ പേര് മരണപ്പെട്ടതായി റിപോര്ട്ട്. കിഴക്കന് ലിബിയന് നഗരമായ ഡെര്ണയിലുണ്ടായ മിന്നല്പ്രളയത്തില് കൊല്ലപ്പെട്ട ആയിരത്തിലേറെ മൃതദേഹങ്ങള് കണ്ടെടുത്തതായി അന്താരാഷ്ട്ര മാധ്യമങ്ങള് റിപോര്ട്ട് ചെയ്തു. അതേസമയം, 10000ത്തിലേറെ പേരെ കാണാതായതായി റെഡ്ക്രോസ് അറിയിച്ചു. തുര്ക്കി, ബള്ഗേറിയ, ഗ്രീസ് എന്നിവിടങ്ങളില് ആഞ്ഞടിച്ച ഡാനിയല് കൊടുങ്കാറ്റ് മെഡിറ്ററേനിയനില് വീശിയടിച്ചതിനെ തുടര്ന്നാണ് ലിബിയയില് വന് വെള്ളപ്പൊക്കമുണ്ടായത്. മരണസംഖ്യ വന്തോതില് ഉയരാന് സാധ്യതയുണ്ടെന്ന് ഇന്റര്നാഷനല് ഫെഡറേഷന് ഓഫ് റെഡ് ക്രോസ് ആന്റ് റെഡ് ക്രസന്റ് സൊസൈറ്റി പ്രതിനിധി ടാമര് റമദാന് പറഞ്ഞു. നഗരത്തിന്റെ പല ഭാഗങ്ങളിലും നീക്കം ചെയ്യാതെ മൃതശരീരങ്ങള് കിടക്കുകയാണെന്ന് പ്രദേശം സന്ദര്ശിച്ചശേഷം മടങ്ങിയെത്തിയ വ്യോമയാനമന്ത്രിയും എമര്ജന്സി കമ്മിറ്റി അംഗവുമായ ഹിഷേം സ്കിയൗട്ട് പറഞ്ഞു. നഗരത്തിന്റെ 25 ശതമാനത്തോളം ഭാഗം അപ്രത്യക്ഷമായിട്ടുണ്ട്. നിരവധി കെട്ടിടങ്ങള് തകര്ന്നു.
ആയിരക്കണക്കിനാളുകളെ കാണാതായിട്ടുണ്ടെന്നാണ് അധികൃതര് നല്കുന്ന വിവരം. ഡെര്ണയിലെ അണക്കെട്ടുകള് തകര്ന്നതാണ് പ്രളയദുരന്തത്തിന് ഇടയാക്കിയതെന്ന് കിഴക്കന് ലിബിയയുടെ ഭരണം നിയന്ത്രിക്കുന്ന ലിബിയന് നാഷണല് ആര്മി(എല്എന്എ)യുടെ വക്താവ് അഹമദ് മിസ്മറി വാര്ത്താസമ്മേളനത്തില് വ്യക്തമാക്കി. സമീപപ്രദേശങ്ങളേയും പ്രദേശവാസികളേയും പ്രളയം കടലിലേക്ക് ഒഴുക്കിയതായി മിസ്മറി കൂട്ടിച്ചേര്ത്തു. സാമൂഹികമാധ്യമങ്ങളില് പ്രചരിക്കുന്ന വീഡിയോദൃശ്യങ്ങള് ദുരന്തത്തിന്റെ വ്യാപ്തി വ്യക്തമാക്കുന്നതാണ്. ഒലിച്ചുപോയ റോഡുകളും തകര്ന്നുവീണ കെട്ടിടാവശിഷ്ടങ്ങളും ദൃശ്യങ്ങളില് കാണാം. കാറുകള് ആളില്ലാതെയും ആളുകള് മുകളില് കയറിയിരുന്നും ഒഴുകിപ്പോവുന്ന ഭയാനകദൃശ്യങ്ങളും കാണുന്നുണ്ട്. പത്തടിയോളം ജലനിരപ്പുയര്ന്നതായാണ് റിപോര്ട്ട്. പ്രളയം രാത്രിയിലായതിനാലാണ് മരണസംഖ്യ ഉയര്ന്നത്. ഉറക്കത്തിലായിരുന്ന ആളുകള്ക്ക് രക്ഷപ്പെടാന് അവസരം ലഭിച്ചില്ല. ലിബിയയുടെ കിഴക്കന് മേഖലയില് മൂന്നുദിവസത്തെ ദുഖാചരണം പ്രഖ്യാപിച്ചു. ലിബിയയിലെ നാല് പ്രധാന എണ്ണഖനികള് ശനിയാഴ്ച വൈകീട്ടോടെ അടച്ചു. കാണാതായവര്ക്കായുള്ള തിരച്ചില്പ്രവര്ത്തനങ്ങള് ത്വരിതപ്പെടുത്തിയിട്ടുണ്ട്. സ്കൂളുകളും കച്ചവടസ്ഥാപനങ്ങളും അടച്ചിട്ടിരിക്കുകയാണ്.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
