മുസ്ലിംകളുടെ ഹോട്ടലുകളില് പാനീയങ്ങളില് മരുന്നുകള് ചേര്ത്ത് ഹിന്ദുക്കളെ വന്ധ്യംകരിക്കുന്നു; ഹിന്ദുമഹാ സമ്മേളനത്തില് വര്ഗീയ പ്രസ്താവനയുമായി പി സി ജോര്ജ്
ശബരിമലയിലെത്തിയ സ്ത്രീകളെ വളരെ മോശം ഭാഷയില് അപമാനിച്ചുകൊണ്ടും ടിപ്പു സുല്ത്താനെ താഴ്ത്തിക്കെട്ടുന്ന തരത്തിലും പ്രസംഗത്തില് പരാമര്ശങ്ങളുണ്ടായി
തിരുവനന്തപുരം:ഹിന്ദുമഹാ സമ്മേളനത്തില് കടുത്ത മുസ്ലിം വിരുദ്ധ പരാമര്ശങ്ങളുമായി മുന് എംഎല്എ പി സി ജോര്ജ്.ഹിന്ദു മഹാസമ്മേളത്തിന്റെ മൂന്നാം ദിന സമ്മേളനം ഉദ്ഘാടനം ചെയ്ത് സംസാരിക്കവേയാണ് മുസ്ലിംകള്ക്കെതിരേ കടുത്ത വര്ഗീയ പരാമര്ശങ്ങള് ഉന്നയിച്ചത്.യോഗത്തില് അഡ്വ കൃഷ്ണരാജ്, ബിജെപി നേതാവ് സന്ദീപ് വചസ്പതി എന്നിവരും പങ്കെടുത്തു.
മുസ്ലിംകളുടെ ഹോട്ടലുകളിലെ പാനീയങ്ങളില് ഹിന്ദുക്കളെ വന്ധ്യത വരുത്താനുള്ള മരുന്നുകള് ബോധപൂര്വ്വം കലര്ത്തുന്നുണ്ടെന്നും, മുസ്ലിംകള് അവരുടെ ജനസംഖ്യ വര്ദ്ധിപ്പിച്ച് ഇതൊരു മുസ്ലിം രാജ്യമാക്കി മാറ്റാന് ശ്രമം നടത്തുകയാണെന്നുമായിരുന്നു പി സി ജോര്ജിന്റെ പരാമര്ശം.
ശബരിമലയിലെത്തിയ സ്ത്രീകളെ വളരെ മോശം ഭാഷയില് അപമാനിച്ചുകൊണ്ടും ടിപ്പു സുല്ത്താനെ താഴ്ത്തിക്കെട്ടുന്ന തരത്തിലും പ്രസംഗത്തില് പരാമര്ശങ്ങളുണ്ടായി. ലവ് ജിഹാദ് നിലനില്ക്കുന്നുണ്ടെന്നും, മുസ്ലിംകളായ കച്ചവടക്കാര് അവരുടെ സ്ഥാപനങ്ങള് അമുസ്ലിം മേഖലകളില് സ്ഥാപിച്ച് അവരുടെ സമ്പത്ത് കവര്ന്നു കൊണ്ടുപോകുന്നുണ്ടെന്നും പി സി ജോര്ജ് പറഞ്ഞു.
'ഞാന് ഈയൊരു യോഗത്തിന് വേണ്ടി മാത്രമാണ് ഈരാറ്റുപേട്ടയില് നിന്ന് വന്നത്. ഈരാറ്റുപേട്ട എന്ന് പറയുന്നത് ലോകത്ത് ഏറ്റവുമധികം മുസ്ലിംള് ഒരുമിച്ച് താമസിക്കുന്ന പ്രദേശമാണ്. ആകെയുള്ള ജനസംഖ്യയുടെ 97 ശതമാനവും മുസ്ലിംകളാണ്.ബാക്കി എന്നെപ്പോലെ ചില പാവപ്പെട്ട ക്രിസ്ത്യാനികളും ഹിന്ദുക്കളും മാത്രമേ അവിടെയുള്ളൂ.ഞാനിപ്പൊ വരുന്ന വഴിയില് പുതുതായി ഒരു മുസ്ലിമിന്റെ ജൗളിക്കടയുണ്ട്. ആ കടക്കകത്ത് ഒരു 150 പേരുടെ തള്ള്. അതിന്റെ ഇപ്പുറത്ത് അതിലും നല്ല രീതിയില് ഒരു നായരുടെ കടയുണ്ട്. ഈച്ചയെ ആട്ടി ഇരിപ്പാണ്. നമ്മുടെ ആളുകളുടെ ഗുണമാണ് അത്.ഇതൊക്കെ ആലോചിച്ച് ഓര്ത്ത് പ്രവര്ത്തിച്ചില്ലെങ്കില് നിങ്ങള് ദുഖിക്കേണ്ടി വരും.'പി സി ജോര്ജ് സമ്മേളനത്തില് പറഞ്ഞു.
ഏപ്രല് 27ന് ആരംഭിച്ച ഹിന്ദു മഹാസമ്മേളനം മെയ് ഒന്ന് വരെയാണ്. തിരുവനന്തപുരം സൗത്ത് ഫോര്ട്ട് പ്രിയദര്ശിനി കാംപസിലാണ് ഹിന്ദു മഹാ സമ്മേളനം നടക്കുന്നത്.ഇന്ന് നടക്കുന്ന പരിപാടിയില് കേന്ദ്രമന്ത്രി വി മുരളീധരന് പങ്കെടുക്കും.
RELATED STORIES
തെലങ്കാനയില് ക്രിസ്ത്യന് സ്കൂള് ആക്രമിച്ച സംഭവം: 12 ഹിന്ദുത്വരെ...
20 April 2024 9:28 AM GMTമറുപടി പറഞ്ഞാല് തെളിവുകള് പുറത്തുവിടും; ലീഗ് നേതാക്കളെ...
20 April 2024 9:16 AM GMT'പ്രസാര് ഭാരതിയല്ല, പ്രചാര് ഭാരതി'; ദൂരദര്ശന് ലോഗോയുടെ...
20 April 2024 9:01 AM GMTഎഐസിസി സെക്രട്ടറി തജീന്ദര് സിങ് ബിട്ടു കോണ്ഗ്രസ് വിട്ട് ബിജെപിയില്...
20 April 2024 8:40 AM GMTശക്തമായി തിരിച്ചടിക്കും; ഇസ്രായേലിന് വീണ്ടും ഇറാന്റെ മുന്നറിയിപ്പ്
20 April 2024 8:22 AM GMTപകരം വീട്ടാനാണ് ഇസ്രായേലിന്റെ നീക്കമെങ്കില് ശക്തമായി...
20 April 2024 7:59 AM GMT