തേജ് ചുഴലിക്കാറ്റ് ഭീതിയില് ഒമാന്; സലാല തുറമുഖം അടച്ചു
മസ്കത്ത്: അറബിക്കടലില് രൂപംകൊണ്ട തേജ് ചുഴലിക്കാറ്റ് ഭീഷണി നേരിടാന് മുന്നൊരുക്കങ്ങളുമായി ഒമാന്. മണിക്കൂര് 200 കിലോമീറ്റര് വേഗതയുള്ള ചുഴലിക്കാറ്റ് ഒമാന് തീരത്തേക്ക് അടുത്തുകൊണ്ടിരിക്കുകയാണെന്ന മുന്നറിയിപ്പുകള്ക്കിടെ രണ്ടു പ്രവിശ്യകളില് ഇന്നും നാളെയും അവധി പ്രഖ്യാപിച്ചു. തീരപ്രദേശങ്ങളില് അതിശക്തമായ മഴയും കാറ്റും വീശുമെന്ന മുന്നറിയിപ്പിനെ തുടര്ന്ന്് സലാല തുറമുഖം അടച്ചു. മല്സ്യബന്ധനം പൂര്ണമായും നിരോധിച്ചിരിക്കുകയാണ്. ഒമാനില് 35 ദുരിതാശ്വാസ കേന്ദ്രങ്ങള് തുറന്നിട്ടുണ്ട്. ദോഫാറില് 32 ഉം അല് വുസ്തയില് മൂന്നും ദുരിതാശ്വാസ കേന്ദ്രങ്ങളാണ് തുറന്നത്. ഒമാനിലെ ദോഫാര് ഗവര്ണറേറ്റ്, അല് വുസ്ത ഗവര്ണറേറ്റിലെ അല് ജസാര് വിലായത്ത് എന്നീ മേഖലകളിലെ ജീവനക്കാര്ക്ക് തൊഴില് മന്ത്രാലയം അവധി പ്രഖ്യാപിച്ചു. തീവ്രമഴയ്ക്കും കാറ്റിനും സാധ്യതയുള്ളതിനാല് അതീവ ജാഗ്രതാ നിര്ദേശം പുറപ്പെടുവിച്ചിട്ടുണ്ട്. ദോഫാര് ഗവര്ണറേറ്റിലെ ദ്വീപുകളില് നിന്നും തീരപ്രദേശങ്ങളില് നിന്നും താമസക്കാരെ ഒഴിപ്പിക്കുന്നുണ്ട്. 20 സെന്റിമീറ്റര് വരെ മഴ പെയ്തേക്കുമെന്നും 70 കിലോമീറ്ററിന് മുകളില് വരെ വേഗതയില് കാറ്റ് വീശിയേക്കുമെന്നുമാണ് മുന്നറിയിപ്പ്.
RELATED STORIES
രാജ്യത്തെ വീണ്ടെടുക്കാന് ദേശസ്നേഹികള് ഐക്യപ്പെടണം: അഡ്വ....
29 Feb 2024 2:27 PM GMTചാത്തന്നൂര് സ്റ്റേഷനിലെ സീനിയര് സിവില് പോലിസ് ഓഫീസര് മരിച്ച...
22 Feb 2024 5:36 PM GMTഅബ്ദുല് നാസര് മഅ്ദനിയെ ആശുപത്രിയില് പ്രവേശിപ്പിച്ചു
20 Feb 2024 4:58 AM GMTബെംഗളൂരുവില് വാഹനാപകടത്തില് രണ്ട് മലയാളി വിദ്യാര്ഥികള് മരിച്ചു
20 Feb 2024 4:48 AM GMTകൊല്ലം പട്ടാഴിയില്നിന്ന് കാണാതായ കുട്ടികളുടെ മൃതദേഹം കല്ലടയാറ്റില്...
16 Feb 2024 5:29 AM GMTഎസ്എഫ് ഐയുടെ കരിങ്കൊടി പ്രതിഷേധം; കാറില്നിന്നിറങ്ങി റോഡരികിലിരുന്ന്...
27 Jan 2024 6:56 AM GMT