വ്യവസായ വകുപ്പ് മന്ത്രി ഇ പി ജയരാജന് കൊവിഡ്

കണ്ണൂർ: കായിക വ്യവസായ വകുപ്പ് മന്ത്രി ഇ പി ജയരാജന് കൊവിഡ്. കണ്ണൂരിലെ വീട്ടിൽ നിരീക്ഷണത്തിലായിരിക്കെയാണ് ഇദ്ദേഹത്തിന് കൊവിഡ് സ്ഥിരീകരിച്ചത്. മന്ത്രിയുടെ ഭാര്യക്കും കൊവിഡ് സ്ഥിരീകരിച്ചിട്ടുണ്ട്.

തോമസ് ഐസക്കിനു ശേഷം കേരളത്തിൽ കൊവിഡ് സ്ഥിരീകരിക്കുന്ന രണ്ടാമത്തെ മന്ത്രിയാണ് ഇ പി.

കഴിഞ്ഞ സിപിഎം സംസ്ഥാന സെക്രട്ടറിയേറ്റിൽ മന്ത്രി തോമസ് ഐസക്കിനൊപ്പം ഇ പി ജയരാജനും ഉണ്ടായിരുന്നു. അതിനു ശേഷമാണ് തോമസ് ഐസക്കിന് കൊവിഡ് സ്ഥിരീകരിക്കുന്നത്. തുടർന്നാണ് മന്ത്രി ഇ പി ജയരാജൻ കണ്ണൂരിലെ വസതിയിൽ നിരീക്ഷണത്തിലിരുന്നത്.

കൊവിഡ് പോസിറ്റീവായതിനെത്തുടർന്ന് ഇദ്ദേഹത്തെ പരിയാരം ഗവ മെഡിക്കൽ കോളേജിലേക്ക് മാറ്റി.