ഒളിംപിക്‌സ്; ഷൂട്ടിങില്‍ മിക്‌സഡ് ഇനത്തിലും തോല്‍വി

ടോക്കിയോ: ഒളിംപിക്‌സ് ഷൂട്ടിങ് ഇനത്തില്‍ വീണ്ടും ഇന്ത്യക്ക് തിരിച്ചടി. 10 മീറ്റര്‍ റൈഫിള്‍ മിക്‌സഡ് വിഭാഗത്തില്‍ ഇന്ത്യയ്ക്കായി ഇറങ്ങിയ രണ്ട് ജോഡികളും പുറത്തായി. ദിവ്യാന്‍ഷ് പന്‍വാര്‍-എലവേനില്‍ വാലരിവന്‍ ജോഡിയും ദീപക് കുമാര്‍ അഞ്ജും മൗഡ്ഗില്‍ ജോഡിയും പുറത്തായി. യോഗ്യതാ റൗണ്ടില്‍ ദിവ്യാന്‍ഷ് പന്‍വാര്‍-എലവേനില്‍ സഖ്യം 12ാം സ്ഥാനത്ത് ഫിനിഷ് ചെയ്തു. ദീപക് കുമാര്‍ അഞ്ജും മൗഡ്ഗില്‍ സഖ്യം 18ാം സ്ഥാനത്തും ഫിനിഷ് ചെയ്തു.

ഈയിനത്തില്‍ ചൈന സ്വര്‍ണ്ണവും റഷ്യ വെള്ളിയും ഉക്രെയ്ന്‍ വെങ്കലവും നേടി. 10 മീറ്റര്‍ എയര്‍ റൈഫിള്‍ മിക്‌സഡ് ഇനത്തില്‍ സൗരഭ്-മനു ഭാക്കര്‍ സഖ്യം ഏഴാം സ്ഥാനത്താണ് ഫിനിഷ് ചെയ്തത്. അഭിഷേക്-യശ്വസിനി സഖ്യവും പുറത്തായി.