മലയാളി താരം സാജന്‍ പ്രകാശിന് അര്‍ജ്ജുനാ അവാര്‍ഡിന് ശുപാര്‍ശ

ഡല്‍ഹി: ടോക്കിയോ ഒളിംപിക്‌സിന് യോഗ്യതാ നേടിയ മലയാളി നീന്തല്‍ താരം സാജന്‍ പ്രകാശിന് അര്‍ജ്ജുനാ അവാര്‍ഡിന് ശുപാര്‍ശ ചെയ്തു. നീന്തല്‍ ഫെഡറേഷനാണ് താരത്തെ ശുപാര്‍ശ ചെയ്തത്. കഴിഞ്ഞ വര്‍ഷവും സാജനെ ശുപാര്‍ശ ചെയ്തിരുന്നു. നീന്തല്‍ കോച്ച് കമലേഷ് നാനാവതിയെ ധ്യാന്‍ചന്ദ് പുരസ്‌കാരത്തിനും ശുപാര്‍ശ ചെയ്തിട്ടുണ്ട്. റോമില്‍ നടന്ന യോഗ്യതാ മല്‍സരത്തില്‍ എ ക്വാളിഫിക്കേഷനോടെയാണ് സാജന്‍ 200 മീറ്റര്‍ ബട്ടര്‍ഫ്‌ളൈസില്‍ ടോക്കിയോയിലേക്ക് ടിക്കറ്റ് നേടിയത്. ഒളിംപിക്‌സിന് നേരിട്ട് നീന്തലില്‍ യോഗ്യത നേടുന്ന ആദ്യ താരമാണ് സാജന്‍. 27കാരനായ സാജന്‍ ബെല്‍ഗ്രേഡില്‍ നടന്ന ചാംപ്യന്‍ഷിപ്പിലും സ്വര്‍ണ്ണം നേടിയിരുന്നു.