മലേഷ്യന്‍ ഓപ്പണില്‍ കിരീടം നേടുന്ന ആദ്യ ഇന്ത്യന്‍ താരമായി സൗരവ് ഘോസല്‍

ക്വാലാലംപൂര്‍: മലേഷ്യന്‍ ഓപ്പണ്‍ സ്‌ക്വാഷ് ചാംപ്യന്‍ഷിപ്പില്‍ ഇന്ത്യയുടെ സൗരവ് ഘോസലിന് കിരീടം. ഈ നേട്ടം സ്വന്തമാക്കുന്ന ആദ്യ ഇന്ത്യന്‍ താരമാണ് ഘോസല്‍. ഫൈനലില്‍ ടോപ് സീഡ് കൊളംബിയയുടെ മിഗ്വേല്‍ റൊഡ്രിഗസിനെ നേരിട്ടുള്ള സെറ്റുകള്‍ക്കാണ് പരാജയപ്പെടുത്തിയത്. സ്‌കോര്‍ 11-7, 11-8, 13-11. റാങ്കിങില്‍ റൊഡ്രിഗസ് 12ാം സ്ഥാനത്തും സൗരവ് 15ാം സ്ഥാനത്തുമാണ്. 2018ന് ശേഷം ആദ്യമായാണ് സൗരവ് ഒരു അന്താരാഷ്ട്ര കിരീടം നേടുന്നത്.