സെയ്‌നയ്ക്കും ശ്രീകാന്തിനും ടോക്കിയോ ഒളിംപിക്‌സ് നഷ്ടമാവും

ഡല്‍ഹി: മലേഷ്യന്‍ ഓപ്പണിന് പിന്നാലെ സിംഗപൂര്‍ ഓപ്പണ്‍ കൂടി ഉപേക്ഷിച്ചതോടെ ടോക്കോയോ ഒളിംപിക്‌സിലേക്കുള്ള ഇന്ത്യയുടെ സെയ്‌നാ നെഹ്‌വാളിന്റെയും കെ ശ്രീകാന്തിന്റെയും യോഗ്യത പാതിവഴിയില്‍. ജൂണ്‍ ഒന്ന് മുതല്‍ ആറ് വരെ നടക്കേണ്ട ടൂര്‍ണ്ണമെന്റാണ് കൊവിഡ് രൂക്ഷമായതിനെ തുടര്‍ന്ന് ഒഴിവാക്കിയത്. ഇതോടെ താരങ്ങള്‍ക്ക് ഒളിംപിക്‌സിലേക്ക് യോഗ്യത നേടാനാവില്ല. നേരത്തെ ഇന്ത്യയുടെ പി വി സിന്ധു, സായ് പ്രണീത്, ചിരാഗ് ഷെട്ടി, സ്വാത്വിക സായിരാജ് എന്നിവര്‍ ടോക്കിയോ ഒളിംപിക്‌സിലേക്ക് യോഗ്യത നേടിയിരുന്നു. നേരത്തെ ഇന്ത്യാ ഓപ്പണും കൊവിഡിനെ തുടര്‍ന്ന് ഒഴിവാക്കിയിരുന്നു.