ഹോക്കി ലോകകപ്പ്; ഹാര്‍ദ്ദിക്ക് സിങ് പുറത്ത്; പകരം രാജ് കുമാര്‍ പാല്‍

ഭുവനേശ്വര്‍: പരിക്കേറ്റ ഇന്ത്യന്‍ മധ്യനിര താരം ഹാര്‍ദ്ദിക്ക് സിങ് ഹോക്കി ലോകകപ്പില്‍ നിന്ന് പുറത്ത്. നാളെ ന്യൂസിലന്റിനെതിരേ നടക്കുന്ന നിര്‍ണ്ണായക മല്‍സരത്തില്‍ ഇന്ത്യക്ക് ഇത് വന്‍ തിരിച്ചടിയാവും. ലോകകപ്പിലെ ആദ്യ മല്‍സരത്തിലാണ് താരത്തിന്റെ കാലിന് പരിക്കേറ്റത്. തുടര്‍ന്ന് മറ്റ് രണ്ട് മല്‍സരങ്ങളില്‍ നിന്ന് ഹാര്‍ദ്ദിക്ക് പുറത്തായിരുന്നു. കിവികള്‍ക്കെതിരായ മല്‍സരത്തില്‍ താരം തിരിച്ചെത്തുമെന്ന് റിപ്പോര്‍ട്ട് ഉണ്ടായിരുന്നു. എന്നാല്‍ ഹാര്‍ദ്ദിക്ക് പൂര്‍ണ്ണ ഫിറ്റല്ലെന്ന് ഹോക്കി ഫെഡറേഷന്‍ അറിയിക്കുകയായിരുന്നു. ഹാര്‍ദ്ദിക്കിന് പകരം രാജ് കുമാര്‍ പാല്‍ ടീമിലിടം നേടി.