കോമണ്‍വെല്‍ത്ത് ഗെയിംസ് ; അനാഹത്ത് സിങിന് ജയം; സ്വര്‍ണ്ണത്തിനായി മീരാ ഭായ് ഇന്നിറങ്ങും

ബിര്‍മിങ്ഹാം: കോമണ്‍വെല്‍ത്ത് ഗെയിംസ് സ്‌ക്വാഷില്‍ ഇന്ത്യയുടെ 14കാരിയായ അനാഹത്ത് സിങിന് ജയം. അരങ്ങേറ്റ താരമായ അനാഹത്ത് ജയത്തോടെ റൗണ്ട് 32ല്‍ പ്രവേശിച്ചു. കോമണ്‍വെല്‍ത്ത് ഗെയിംസിലെ ഇന്ത്യന്‍ സ്‌ക്വാഡിലെ ഏറ്റവും പ്രായം കുറഞ്ഞ താരമാണ് അനാഹത്ത്. പുരുഷവിഭാഗത്തില്‍ അഭയ് സിങും റൗണ്ട് 32 ല്‍ പ്രവേശിച്ചു.

വെയ്റ്റ്‌ലിഫ്റ്റിങില്‍ സ്വര്‍ണ്ണം ലക്ഷ്യമിട്ട് മീരാ ഭായ് ചാനു ഇന്നിറങ്ങും. പുരുഷ വിഭാഗം വെയ്റ്റ്‌ലിഫ്റ്റിങില്‍ സംഗീത് മഹാദേവ് സാര്‍ഗര്‍ മെഡല്‍ പ്രതീക്ഷയോടെ ഫൈനലില്‍ ഇറങ്ങും. പുരുഷ വിഭാഗം മാരത്തോണില്‍ ഇന്ത്യയുടെ നിതേന്ദ്ര റാവത്ത് ഇന്ന് ഇറങ്ങും.