ലോകകപ്പ് യോഗ്യത; യില്‍മാസ് ഹാട്രിക്കില്‍ തുര്‍ക്കി ഹോളണ്ടിനെ വീഴ്ത്തി

ആംസ്റ്റര്‍ഡാം: ലോകകപ്പ് യോഗ്യതമല്‍സരത്തില്‍ കരുത്തരായ ഹോളണ്ടിനെ ഞെട്ടിച്ച് തുര്‍ക്കി. 4-2നാണ് ഓറഞ്ച് പടയെ തുര്‍ക്കി തകര്‍ത്തത്. ബുറാഖ് യില്‍മാസിന്റെ ഹാട്രിക്ക് നേട്ടമാണ് തുര്‍ക്കിയ്ക്ക് വന്‍ ജയമൊരുക്കിയത്.15,34,81 മിനിറ്റുകളിലായിരുന്നു യില്‍മാസിന്റെ ഗോളുകള്‍. ഹോളണ്ടിനായി ക്ലാസെന്‍, ഡിജോങ് എന്നിവര്‍ ഗോള്‍ നേടി. മറ്റൊരു മല്‍സരത്തില്‍ എസ്‌റ്റോണിയയെ ചെക്ക് റിപ്പബ്ലിക്ക് 6-2ന് തോല്‍പ്പിച്ചു. മാള്‍ട്ടയെ റഷ്യ 3-1നും തോല്‍പ്പിച്ചു. കരുത്തരായ ക്രൊയേഷ്യയെ സ്ലൊവേനിയ എതിരില്ലാത്ത ഒരു ഗോളിന് തോല്‍പ്പിച്ചു. ലോക റാങ്കിങില്‍ ക്രൊയേഷ്യ 11ാം സ്ഥാനത്തും സ്ലൊവേനിയ 62ാം സ്ഥാനത്തുമാണ്.