വളര്‍ത്തു പൂച്ചയെ ചവിട്ടിയെ സൗമയ്ക്ക് ശിക്ഷ

ലണ്ടന്‍: വീട്ടിലെ വളര്‍ത്തു പൂച്ചയെ കാലുകൊണ്ട് ചവിട്ടുകയും വലിച്ചെറിയുകയും ചെയ്ത വെസ്റ്റ്ഹാം ഡിഫന്‍ഡര്‍ കുറത്ത് സൗമയ്ക്ക് ശിക്ഷ. കുറ്റക്കാരനെന്ന് കണ്ടെത്തിയ സൗമയ്ക്ക് 180 മണിക്കൂര്‍ സാമൂഹിക സേവനം നടത്താനാണ് ശിക്ഷ. 27കാരനായ ഫ്രഞ്ച് താരം അഞ്ച് വര്‍ഷത്തേക്ക് പൂച്ചയെ വളര്‍ത്തരുതെന്നും ജില്ലാ മജിസ്‌ട്രേറ്റ് വിധിച്ചു. കഴിഞ്ഞ ഫെബ്രുവരിയിലാണ് വിവാദ സംഭവം. പൂച്ചയെ ഉപദ്രവിക്കുന്ന വീഡിയോ സാമൂഹിക മാധ്യമങ്ങളില്‍ പ്രചരിച്ചിരുന്നു. തുടര്‍ന്ന് സൗമയെ വെസ്റ്റ്ഹാം സ്‌ക്വാഡില്‍ നിന്ന് താല്‍ക്കാലികമായി പുറത്തിരുത്തിയിരുന്നു. ഫ്രഞ്ച് ടീമില്‍ നിന്നും താരത്തെ തഴഞ്ഞിരുന്നു. പൂച്ചയെ ഷൂ കൊണ്ട് എറിയുകയും കൊല്ലുമെന്ന് താരം പറയുകയും ചെയ്തിരുന്നു.