വലന്‍സിയയുടെ മൂന്ന് താരങ്ങള്‍ക്കും കൊറോണ

മാഡ്രിഡ്: സ്പാനിഷ് ക്ലബ്ബില്‍ വലന്‍സിയയുടെ മൂന്ന് താരങ്ങള്‍ക്കും കൊറോണ. ഡിഫന്‍ഡറും മാഞ്ചസ്റ്റര്‍ സിറ്റി മുന്‍ താരവുമായ മംഗാല, ജോസെ ലൂയിസ് ഗയ്, എസെകെല്‍ ഗാരെയ്ക്ക് എന്നിവര്‍ക്കാണ് കൊറോണ സ്ഥിരീകരിച്ചത്. താരങ്ങളെ കൂടാതെ മൂന്ന് ഒഫീഷ്യല്‍സിനും രോഗം സ്ഥിരീകരിച്ചിട്ടുണ്ട്. ഇതോടെ വലന്‍സിയ ക്ലബ്ബിലെ മുഴുവന്‍ താരങ്ങളും നിരീക്ഷണത്തിലാണ്.

അതിനിടെ, ഇറ്റലിയിലെ ഫുട്‌ബോള്‍ മല്‍സരങ്ങള്‍ ആരംഭിക്കുക മെയ് മാസത്തിലായിരിക്കുമെന്ന് ഫുട്‌ബോള്‍ അസോസിയേഷന്‍ വ്യക്തമാക്കി. കൊറോണ വൈറസ് ബാധയെ തുടര്‍ന്ന് ഏപ്രില്‍ മൂന്ന് വരെയാണ് മല്‍സരങ്ങള്‍ നിര്‍ത്തിവച്ചത്. രോഗം ഒരു തരത്തിലും നിയന്ത്രിക്കാന്‍ കഴിയാത്തതാണ് മല്‍സരങ്ങള്‍ വീണ്ടും നീട്ടിവയ്ക്കാന്‍ കാരണം.