റഷ്യന്‍ ക്ലബ്ബുകളെയും ദേശീയ ടീമിനെയും വിലക്കി ഫിഫയും യുവേഫയും

മോസ്‌കോ: യുക്രെയ്‌നില്‍ റഷ്യ നടത്തുന്ന അധിനിവേശത്തെ തുടര്‍ന്ന് ഫുട്‌ബോള്‍ ലോകത്ത് തുടരുന്ന പ്രതിഷേധങ്ങള്‍ക്ക് ഫലം കണ്ടു.റഷ്യന്‍ ദേശീയ ടീമിനെയും എല്ലാ റഷ്യന്‍ ക്ലബ്ബുകളെയും യഥാക്രമം ഫിഫയും യുവേഫായും വിലക്കി. ഇതോടെ റഷ്യയ്ക്ക് മാര്‍ച്ചില്‍ നടക്കുന്ന ലോകകപ്പ് യോഗ്യതാ മല്‍സരം കളിക്കാന്‍ കഴിയില്ല. റഷ്യന്‍-ബെലാറഷ്യന്‍ അത്‌ലറ്റുകളെയും ഒഫീഷ്യലുകളെയും അന്താരാഷ്ട്ര ഒളിംപിക് കമ്മിറ്റി അല്‍പ്പം മുമ്പ് വിലക്കിയിരുന്നു. തുടര്‍ന്നാണ് ഫിഫയും യുവേഫായും റഷ്യക്കെതിരേ നടപടിയെടുത്തത്.