പ്രീമിയര്‍ ലീഗ് ; സിറ്റിക്ക് ഞെട്ടല്‍; ലീഡ്‌സിനോട് തോല്‍വി

ഇത്തിഹാദ്: ഇംഗ്ലിഷ് പ്രീമിയര്‍ ലീഗില്‍ കിരീട പോരാട്ടം അവസാന റൗണ്ടുകളിലേക്ക് കടക്കവെ ഒന്നാം സ്ഥാനത്തുള്ള മാഞ്ച്‌സറ്റര്‍ സിറ്റിക്ക് തോല്‍വി. എളുപ്പം പ്രീമിയര്‍ ലീഗ് കിരീടം ചൂടാമെന്ന സിറ്റിയുടെ മോഹത്തിനാണ് ഇന്ന് ലീഡസ് യുനൈറ്റഡ് വിള്ളല്‍ വീഴ്ത്തിയത്. 2-1നാണ് ഒമ്പതാം സ്ഥാനത്തുള്ള ലീഡ്‌സ് സിറ്റിയെ തകര്‍ത്തത്. ഡല്ലസിന്റെ ഇരട്ട ഗോളാണ് ലീഡ്‌സിനെ രക്ഷിച്ചത്. ടോറസാണ് സിറ്റിയുടെ സമനില ഗോള്‍ നേടിയത്. കൂപ്പര്‍ ചുവപ്പ് കാര്‍ഡ് ലഭിച്ച് പുറത്തായതോടെ 10 പേരുമായാണ് ലീഡസ് രണ്ടാം പകുതിയില്‍ ഇറങ്ങിയത്. ഇഞ്ചുറി ടൈമിലേ തന്റെ രണ്ടാം ഗോളോടെയാണ് ഡല്ലസ് ലീഡ്‌സിനെ വിജയത്തിലേക്ക് നയിച്ചത്.

ഇന്ന് നടന്ന മറ്റൊരു മല്‍സരത്തില്‍ ലിവര്‍പൂള്‍ ആസ്റ്റണ്‍ വില്ലയെ 2-1ന് തോല്‍പ്പിച്ചു. ജയത്തോടെ ചെമ്പട അഞ്ചാം സ്ഥാനത്തേക്ക് കുതിച്ചു. മുഹമ്മദ് സലാഹ് (57), അലക്‌സാണ്ടര്‍ അര്‍നോള്‍ഡ് (90) എന്നിവരാണ് ലിവര്‍പൂള്‍ സ്‌കോറര്‍മാര്‍. വില്ലയ്ക്ക് വേണ്ടി 43ാം മിനിറ്റില്‍ വാറ്റ്കിന്‍സാണ് സ്‌കോര്‍ ചെയ്തത്.