500ാം കരിയര്‍ ഗോളുമായി സുവാരസ് കുതിക്കുന്നു

മാഡ്രിഡ്: 500ാം കരിയര്‍ ഗോള്‍ പട്ടികയിലേക്ക് ഉറുഗ്വെ താരം ലൂയിസ് സുവാരസും. ഇന്ന് സ്പാനിഷ് ലീഗില്‍ ആല്‍വ്‌സിനെതിരേ ഒരു ഗോള്‍ നേടിയതോടെയാണ് മുന്‍ ബാഴ്‌സാ താരം 500 ഗോള്‍ ക്ലബ്ബില്‍ ഇടം നേടിയത്. 54ാം മിനിറ്റിലാണ് സുവാരസിന്റെ ചരിത്ര നേട്ടം.സുവാരസിന്റെ ഏക ഗോളോടെ അത്‌ലറ്റിക്കോ ജയിച്ചു. ജയത്തോടെ ഒന്നാം സ്ഥാനത്തെ ലീഡ് നാല് പോയിന്റാക്കാനും മാഡ്രിഡിന് കഴിഞ്ഞു.

സുവാരസിന്റെ ഈ സീസണിലെ 19ാം ഗോളാണിത്. 34 കാരനായ സുവാരസ് ബാഴ്‌സയ്ക്കായി 194 ഉം ലിവര്‍പൂളിനായി 69 അയാകസിനായി 81 ഉം ദേശീയ ടീമിനായി 82 ഉം ഗോള്‍ നേടിയിട്ടുണ്ട്. 34കാരനായ സുവാരസ് ഈ സീസണില്‍ അത്‌ലറ്റിക്കോയ്ക്കായി 19 ഗോളും നേടിയിട്ടുണ്ട്. ക്രിസ്റ്റിയാനോ റൊണാള്‍ഡോ, ലയണല്‍ മെസ്സി, സാള്‍ട്ടണ്‍ ഇബ്രാഹിമോവിച്ച്, റോബര്‍ട്ട് ലെവന്‍ഡോസ്‌കി എന്നിവരാണ് ഇതിന് മുമ്പ് 500 ഗോള്‍ ക്ലബ്ബില്‍ ഇടം നേടിയവര്‍.