ലീഗ് കപ്പില്‍ യുനൈറ്റഡ് പുറത്ത്; ഇറ്റലിയില്‍ യുവന്റസ് വിജയതീരത്ത്

മാഞ്ചസ്റ്റര്‍: ഇംഗ്ലിഷ് ഫുട്‌ബോള്‍ ലീഗ് കപ്പില്‍ മാഞ്ചസ്റ്റര്‍ യുനൈറ്റഡ് പുറത്ത്.വെസ്റ്റ്ഹാമിനോട് ഏകപക്ഷീയമായ ഒരു ഗോളിനാണ് യുനൈറ്റഡ് തോല്‍വി നേരിട്ടത്. ഒമ്പതാം മിനിറ്റില്‍ ലാന്‍സിനിയാണ് വെസ്റ്റ്ഹാമിന്റെ വിജയ ഗോള്‍ നേടിയത്. റൊണാള്‍ഡോ ഇല്ലാതെയാണ് ടീം ഇന്നിറങ്ങിയത്. തോല്‍വിയോടെ ടീം ലീഗ് കപ്പില്‍ നിന്ന് പുറത്തായി.

ഇറ്റാലിയന്‍ സീരി എയില്‍ യുവന്റസ് വിജയവഴിയില്‍ തിരിച്ചെത്തി. 3-2ന് സ്‌പെസിയെയാണ് യുവന്റസ് പരാജയപ്പെടുത്തിയത്. മോയിസ് കീന്‍, ചീസാ, ഡീ ലിറ്റ് എന്നിവരാണ് യുവന്റസ് സ്‌കോറര്‍മാര്‍.