റയോ വാല്‍ക്കാനോയോടും തോല്‍വി; കോമാനെ പുറത്താക്കി ബാഴ്‌സ

ക്യാംപ് നൗ: 14മാസത്തെ ബാഴ്‌സ പരിശീലന ക്യാംപിന് അവസാനം കുറിച്ച് കോച്ച് റൊണാള്‍ഡ് കോമാന്‍. ലീഗില്‍ മോശം ഫോമില്‍ തുടരുന്ന ബാഴ്‌സലോണ ഇന്ന് നടന്ന റയോ വാല്‍ക്കാനോയ്‌ക്കെതിരായ മല്‍സരത്തിലും തോറ്റതോടെയാണ് ഹോളണ്ടിന്റെ മുന്‍ ദേശീയ കോച്ചായ കോമാനെ ബാഴ്‌സ ഇന്ന് പുറത്താക്കിയത്. ലീഗിലെ കഴിഞ്ഞ നാല് മല്‍സരങ്ങളില്‍ മൂന്നെണ്ണത്തിലും ബാഴ്‌സ തോറ്റിരുന്നു. എല്‍ ക്ലാസ്സിക്കോയില്‍ റയല്‍ മാഡ്രിഡിനെതിരായ മല്‍സരത്തില്‍ തോറ്റതോടെ കോമാന്റെ സ്ഥാനം തെറിക്കുമെന്ന് ഏറെക്കുറെ ഉറപ്പായിരുന്നു. ലീഗില്‍ ബാഴ്‌സലോണ ഒമ്പതാം സ്ഥാനത്താണ്. ജയത്തോടെ റയോ വാല്‍ക്കാനോ ലീഗില്‍ അഞ്ചാം സ്ഥാനത്തെത്തി.