ലീഗ് കപ്പ്; മാഞ്ചസ്റ്റര്‍ ഡര്‍ബിയില്‍ സിറ്റിക്ക് ജയം

ഇത്തിഹാദ്: ലീഗ് കപ്പ് (കാര്‍ബോ) സെമിയില്‍ നടന്ന മാഞ്ചസ്റ്റര്‍ ഡെര്‍ബിയില്‍ സിറ്റിക്ക് ജയം. സെമി ആദ്യ പാദമല്‍സരത്തില്‍ 3-1നാണ് സിറ്റിയുടെ ജയം. ബെര്‍ണാഡോ സില്‍വ(17), മഹറെസ്(33), പെരേര(38) എന്നിവരാണ് സിറ്റിക്കായി സ്‌കോര്‍ ചെയ്തത്.

മാഞ്ചസ്റ്റര്‍ യുനൈറ്റഡിന് വേണ്ടി റാഷ്‌ഫോഡ് 70 ാം മിനിറ്റില്‍ ആശ്വാസ ഗോള്‍ നേടി. രണ്ടാം പാദ സെമി ഈ മാസം 29ന് നടക്കും. ഇംഗ്ലിഷ് പ്രീമിയര്‍ കഴിഞ്ഞ ആഴ്ച നടന്ന മാഞ്ചസ്റ്റര്‍ ഡെര്‍ബിയില്‍ യുനൈറ്റഡിനായിരുന്നു ജയം.