മെസി ലിവര്പൂളിലേക്ക്; 'ബെക്കാം റൂള്' പ്രകാരം ടീമിലെത്തിക്കാന് ഇംഗ്ലിഷ് വമ്പന്മാര്
ലണ്ടന്: അര്ജന്റൈന് ഇതിഹാസം ലിയോണല് മെസി പ്രീമിയര് ലീഗില് കളിക്കാന് വഴിതെളിയുന്നു. വായ്പാ കരാറില് മെസിയെ ടീമിലെത്തിക്കാന് ലിവര്പൂളാണ് ശ്രമിക്കുന്നത്. മേജര് ലീഗ് സോക്കറില് ഗോളടിമേളത്തോടെ സീസണ് അവസാനിപ്പിച്ച ലിയോണല് മെസി ഇപ്പോള് വിശ്രമത്തില്. ഇന്റര് മയാമിയുടെ മത്സരങ്ങള് പുനരാരംഭിക്കുക ഫെബ്രുവരി അവസാനവാരം മാത്രം. ഈ ഇടവേളയില് ബെക്കാം റൂള് പ്രകാരം മെസിയെ പ്രീമിയര് ലീഗില് എത്തിക്കാനാണ് നിലവിലെ ചാമ്പ്യന്മാരായ ലിവര്പൂളിന്റെ ശ്രമം.
ലോകകപ്പ് വര്ഷമായതിനാല് ഏറെനാള് കളിക്കളത്തില്നിന്ന് വിട്ടു നില്ക്കേണ്ടെന്നാണ് മെസിയുടെ തീരുമാനം. ഇത് പ്രയോജനപ്പെടുത്താണ് പ്രീമിയര് ലീഗ് ചാംപ്യന്മാരുടെ നീക്കം. അര്ജന്റീന ടീമിലെ മെസിയുടെ സഹതാരം അലക്സി മാക് അലിസ്റ്ററും ലിവര്പൂളില് കളിക്കുന്നുണ്ട്. മേജര് ലീഗ് സോക്കറിന്റെ ഇടവേളയില് യൂറോപ്യന് ലീഗില് കളിക്കുന്നതാണ് ബെക്കാം റൂള്. അമേരിക്കന് ലീഗിലെ ലോസാഞ്ചലസ് ഗാലക്സി താരമായിരുന്ന ബെക്കാം സീസണ് ഇടവേളയില് ഇറ്റാലിയന് ക്ലബ് എ സി മിലാനില് രണ്ടു സീസണില് കളിച്ചിരുന്നു. ഇതാണ് പിന്നീട് ബെക്കാം റൂള് എന്നറിയപ്പെട്ടത്.
നാലോ അഞ്ചോ ആഴ്ച മെസി ടീമിനൊപ്പം ഉണ്ടെങ്കില് കളിയിലും ആരാധക പിന്തുണയിലും വലിയ മാറ്റം ഉണ്ടാവുമെന്നാണ് ലിവര്പൂള് മാനേജ്മെന്റിന്റെ പ്രതീക്ഷ. 20 കളിയില് 34 പോയിന്റുമായി ലീഗില് നാലാം സ്ഥാനത്താണിപ്പോള് ലിവര്പൂള്. ബെക്കാം റൂള് പ്രകാരം മെസ്സിയെ കാംപ് നൗവില് തിരികെ എത്തിക്കാന് ബാഴ്സലോണയും ശ്രമിച്ചിരുന്നു. എന്നാല് ഈനീക്കം വിജയിച്ചില്ല. ദക്ഷിണ കൊറിയന് താരം ഹ്യൂങ് മിന് സണ് ബെക്കാം റൂള് പ്രകാരം മുന്ക്ലബായ ടോട്ടനത്തിലും തിരികെ എത്തിയേക്കും.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
