അഗ്വേറ വീണ്ടും മാഞ്ചസ്റ്റര്‍ സിറ്റിയിലേക്ക്

ഇത്തിഹാദ്: മാഞ്ചസ്റ്റര്‍ സിറ്റിയുടെ ഇതിഹാസ താരമായ സെര്‍ജിയോ അഗ്വേറ വീണ്ടും പഴയ തട്ടകത്തിലേക്ക് വരുന്നു. ഫുട്‌ബോളില്‍ നിന്നും പൂര്‍ണ്ണമായും വിരമിച്ച അര്‍ജന്റീനന്‍ തരാം ഇക്കുറി പുതിയ തസ്തികയിലേക്കാണ് വരുന്നത്. മാഞ്ചസ്റ്റര്‍ സിറ്റിയുടെ അംബാസഡര്‍ പദവിയാണ് 32 കാരനായ അഗ്വേറയ്ക്ക് വാഗ്ദാനം ചെയ്തിരിക്കുന്നത്. താരം ഇതിന് സമ്മതം മൂളുമെന്നാണ് റിപ്പോര്‍ട്ട്. ഹൃദ്രോഗത്തെ തുടര്‍ന്ന് അടുത്തിടെയാണ് ബാഴ്‌സ താരം കരിയറിന് വിരാമമിട്ടത്. വിരമിച്ച ഉടനെ തന്നെ ഇത്തിഹാദിന്റെ പുത്രന് സിറ്റി നിരവധി ഓഫറുകളുമായി രംഗത്തെത്തിയിരുന്നു. ഈ സീസണില്‍ ബാഴ്‌സയിലെത്തിയ അഗ്വേറയ്ക്ക് ടീമിനായി അഞ്ച് മല്‍സരങ്ങള്‍ മാത്രമാണ് കളിക്കാനായത്. തുടര്‍ന്ന് രോഗം വില്ലനാവുകയായിരുന്നു.