കേരള ഫുട്ബോള് അസോസിയേഷന്: ടോം ജോസ് പ്രസിഡന്റ്
പ്രസിഡന്റ് സ്ഥാനത്തേക്ക് മല്സരിച്ച എ പ്രദീപ്കുമാര് എംഎല്എയെയാണ് ടോം ജോസ് പരജായപ്പെടുത്തിയത്.11 നെതിരെ 29 വോട്ടുകള്ക്കായിരുന്നു ടോം ജോസിന്റെ വിജയം.ആറു വൈസ് പ്രസിഡന്റ് സ്ഥാനങ്ങളിലേക്കും രണ്ട് ജോയിന്റ് സെക്രട്ടറി സ്ഥാനങ്ങളിലേക്കും വോട്ടെടുപ്പിലൂടെയാണ് പുതിയ ഭാരവാഹികളെ നിശ്ചയിച്ചത്
കൊച്ചി: വര്ഷങ്ങള്ക്കു ശേഷം കേരള ഫുട്ബോള് അസോസിയേഷന്(കെഎഫ്എ)നില് ഭരണമാറ്റം. ഇന്ന് കൊച്ചിയില് നടന്ന കെഎഫ്എ ജനറല് ബോഡി യോഗത്തില് നടന്ന ഭാരവാഹി തിരഞ്ഞെടുപ്പില് ടോം ജോസ്(ഇടുക്കി) പ്രസിഡന്റായി തിരഞ്ഞെടുക്കപ്പെട്ടു.പ്രസിഡന്റ് സ്ഥാനത്തേക്ക് മല്സരിച്ച എ പ്രദീപ്കുമാര് എംഎല്എയെയാണ് ടോം ജോസ് പരജായപ്പെടുത്തിയത്.11 നെതിരെ 29 വോട്ടുകള്ക്കായിരുന്നു ടോം ജോസിന്റെ വിജയം.ആറു വൈസ് പ്രസിഡന്റ് സ്ഥാനങ്ങളിലേക്കും രണ്ട് ജോയിന്റ് സെക്രട്ടറി സ്ഥാനങ്ങളിലേക്കും വോട്ടെടുപ്പിലൂടെയാണ് പുതിയ ഭാരവാഹികളെ നിശ്ചയിച്ചത്.
വൈസ് പ്രസിഡന്റ് സ്ഥാനങ്ങളിലേക്ക് ഏഴു പേരാണ് മല്സരിച്ചത്. കെ പി സണ്ണി, കെ കെ ഗോപാലകൃഷ്ണന് (കൊല്ലം), രഞ്ജി കെ ജേക്കബ് (പത്തനംതിട്ട), എ വി മോഹനന് (കണ്ണൂര്), അബ്ദുല് കരീം (മലപ്പുറം), പി പൗലോസ് (എറണാകുളം) എന്നിവര് കൂടുതല് വോട്ടുകള് നേടി വിജയിച്ചു. ജോയിന്റ് സെക്രട്ടറിമാരായി ടികെഎം മുഹമ്മദ് റഫീഖ് (കാസര്കോട്), എസ് അച്ചു(കോട്ടയം) എന്നിവരും വിജയിച്ചു. പാലക്കാട് നിന്നുള്ള എം ശിവകുമാറിനെ വോട്ടെടുപ്പില്ലാതെയാണ് ഖജാന്ജിയായി തിരഞ്ഞെടുത്തത്. രണ്ട് ദശാബ്ദക്കാലത്തോളം കെഎഫ്എയെ നയിച്ച കെഎംഐ മേത്തര് ഇത്തവണ മല്സര രംഗത്തുണ്ടായിരുന്നില്ല. മേത്തറെ ഓണററി പ്രസിഡന്റായി പുതിയ ഭരണസമിതി നോമിനേറ്റ് ചെയ്തു. നിലവില് എഐഎഫ്എഫിന്റെ വൈസ് പ്രസിഡന്റ് കൂടിയാണ് കെഎം ഐ മേത്തര്. ജനറല് സെക്രട്ടറി സ്ഥാനത്തേക്ക് തിരഞ്ഞെടുപ്പില്ലാത്തതിനാല് നിലവിലെ സെക്രട്ടറി അനില്കുമാര് തന്നെ ഈ സ്ഥാനത്ത് തുടരും.
RELATED STORIES
കോണ്ഗ്രസിനെതിരേ വീണ്ടും ആദായനികുതി വകുപ്പ്; 1700 കോടിയുടെ നോട്ടീസ്
29 March 2024 5:34 AM GMTയുപി മുന് എംഎല്എ മുഖ്താര് അന്സാരി ജയിലില് മരണപ്പെട്ടു
28 March 2024 6:18 PM GMTഅഭിഭാഷകന്റെ മുറിയില് മയക്കുമരുന്ന് വച്ച് കുടുക്കിയെന്ന കേസില്...
28 March 2024 5:31 PM GMTഎം വി ഗോവിന്ദനെതിരേ സാമൂഹികമാധ്യമങ്ങളിലൂടെ വ്യാജപ്രചാരണം: ഡിജിപിക്കും...
28 March 2024 5:15 PM GMTബെംഗളൂരു കഫേ സ്ഫോടനം; ഒരാളെ എന് ഐഎ അറസ്റ്റ് ചെയ്തു
28 March 2024 5:01 PM GMTഇന്ത്യയില് ജുഡീഷ്യറിയെ അട്ടിമറിക്കുന്നു; ആശങ്കയറിയിച്ച് സുപ്രിംകോടതി...
28 March 2024 2:42 PM GMT