സന്തോഷ് ട്രോഫി ഫൈനല് റൗണ്ടിന്കേരളം വേദിയാകും
75ാമത് സന്തോഷ് ട്രോഫിയുടെ ഫൈനല് റൗണ്ട് അടുത്ത വര്ഷം ആദ്യമാണ് നടക്കുക. ഫൈനല് ഉള്പ്പെടെ 23 മത്സരങ്ങള് ഉണ്ടാവും. മഞ്ചേരി പയ്യനാട് സ്റ്റേഡിയത്തില് ഫൈനല് നടക്കും.
തിരുവനന്തപുരം: ഇത്തവണത്തെ സന്തോഷ് ട്രോഫി ദേശീയ സീനിയര് ഫുട്ബോള് ചാമ്പ്യന്ഷിപ്പിന്റെ ഫൈനല് റൗണ്ടിന് കേരളം വേദിയാകും. 75ാമത് സന്തോഷ് ട്രോഫിയുടെ ഫൈനല് റൗണ്ട് അടുത്ത വര്ഷം ആദ്യമാണ് നടക്കുക. ഫൈനല് ഉള്പ്പെടെ 23 മത്സരങ്ങള് ഉണ്ടാവും. മഞ്ചേരി പയ്യനാട് സ്റ്റേഡിയത്തില് ഫൈനല് നടക്കും.
ആണ്കുട്ടികളുടെയും പെണ്കുട്ടികളുടെയും ദേശീയ ജൂനിയര്, സബ്ജൂനിയര് ചാമ്പ്യന്ഷിപ്പുകളും കേരളത്തില് നടത്തുമെന്നും കായികമന്ത്രി വി അബ്ദുറഹിമാന് വാര്ത്താസമ്മേളനത്തില് അറിയിച്ചു.
ലോക വനിതാ ഫുട്ബോളിലെ 4 പ്രമുഖ രാജ്യങ്ങള് പങ്കെടുക്കുന്ന അന്താരാഷ്ട്ര ഫുട്ബോള് ചാമ്പ്യന്ഷിപ്പ് ഡിസംബറില് കൊച്ചിയില് നടത്തും.
വനിതാ അന്താരാഷ്ട്ര സീനിയര് ടൂര്ണമെന്റില് ആതിഥേയര് എന്ന നിലയില് ഇന്ത്യന് ടീമും പങ്കെടുക്കും. 7 മത്സരങ്ങളാണ് ഉണ്ടാവുക. ഇന്ത്യയിലെ വിവിധ സംസ്ഥാനങ്ങള് പങ്കെടുക്കുന്ന ദേശീയ സബ് ജൂനിയര്, ജൂനിയര് ടൂര്ണമെന്റുകളില് ഏകദേശം 40 മത്സരങ്ങള് വീതം ഉണ്ടാകും.
ലോകകപ്പ് യോഗ്യതാ റൗണ്ടില് മത്സരിക്കാന് ഒരുങ്ങുന്ന ഇന്ത്യന് അണ്ടര് 16 ടീമിന്റെ കാംപ് കേരളത്തില് നടത്താന് എഐഎഫ്എഫ് തയ്യാറാണ്. ആഴ്ചയില് ഒരു ദിവസം, പ്രാദേശിക ടീമുകള്ക്ക് ദേശീയ ടീമുമായി മത്സരിക്കാനും അവസരം നല്കും. ദേശീയ വനിതാ സീനിയര് ടീം കാംപും കേരളത്തില് നടക്കും.
പ്രാദേശിക തലം മുതല് സംസ്ഥാനതലം വരെ ബേബി ലീഗും ജൂനിയര്, സീനിയര് ലീഗുകളും സംഘടിപ്പിക്കാന് എഐഎഫ്എഫ് പിന്തുണ നല്കും. ബംഗാളില് ഈ പദ്ധതി ആരംഭിച്ചിട്ടുണ്ട്. പഞ്ചായത്ത് തലത്തില് ജേതാക്കളാകുന്ന ടീമുകള് ജില്ലാ തലത്തില് മത്സരിക്കും. അവിടെ ജേതാക്കളാകുന്ന 14 ടീമുകള് സംസ്ഥാനതലത്തില് മത്സരിക്കും. എഐഎഫ്എഫ് ആയിരിക്കും ഈ പദ്ധതിക്ക് മേല്നോട്ടം വഹിക്കുക.
ഫുട്ബോള് കോച്ചുമാര്ക്ക് പരിശീലനം നല്കാനുള്ള പരിശീലന ക്ലാസുകള്ക്ക് എഐഎഫ്എഫ് മുന്കൈയെടുക്കും. കോച്ചിങ്ങ് ലൈസന്സുകള് ലഭിക്കാന് പരിശീലകരെ പ്രാപ്തരാക്കുന്നതാകും ഈ ക്ലാസുകള്. ദേശീയ പരിശീലകരുടെ സേവനം ഉള്പ്പെടെ ഈ ക്ലാസുകളില് എഐഎഫ്എഫ് വാഗ്ദാനം ചെയ്തിട്ടുണ്ട്. റഫറിമാര്ക്കുള്ള പരിശീലനത്തിനും സഹകരണം ലഭ്യമാക്കും.
അഖിലേന്ത്യ ഫുട്ബോള് ഫെഡറേഷന് ഡെപ്യൂട്ടി ജനറല് സെക്രട്ടറി അഭിഷേക് യാദവ്, കായിക യുവജന കാര്യ ഡയറക്ടര് ജെറോമിക് ജോര്ജ്, എഐഎഫ്എഫ് സ്കൗട്ടിങ്ങ് വിഭാഗം ഡയറക്ടര് വിക്രം, കെഎഫ്എ എക്സിക്യൂട്ടീവ് കമ്മിറ്റിയംഗം റെജിനോള്ഡ് വര്ഗീസ് എന്നിവരും വാര്ത്താസമ്മേളനത്തില് പങ്കെടുത്തു.
RELATED STORIES
ഹാത്റസിലെ ബിജെപി എംപി ഹൃദയാഘാതത്തെ തുടര്ന്ന് മരിച്ചു
24 April 2024 4:30 PM GMTകലാശക്കൊട്ട് കഴിഞ്ഞു മടങ്ങിയ സിഐടിയു തൊഴിലാളി ജീപ്പില്നിന്ന് വീണു...
24 April 2024 4:13 PM GMTലോക്സഭാ തിരഞ്ഞെടുപ്പ്: രാജ്യത്തിന്റെ വീണ്ടെടുപ്പ് മുഖ്യ...
24 April 2024 2:41 PM GMTമോദിയുടെ വിദ്വേഷ പരാമര്ശങ്ങളെ വിമര്ശിച്ചു; ന്യൂനപക്ഷ മോര്ച്ച...
24 April 2024 2:36 PM GMTഅറ്റകുറ്റപ്പണി; മാഹി പാലം 29 മുതല് മെയ് 10 വരെ അടച്ചിടും
24 April 2024 2:19 PM GMT'തിരിച്ചടി കിട്ടാതെ കൂത്താടി നടന്ന കാലമൊക്കെ കഴിഞ്ഞു'; ഗസ...
24 April 2024 12:56 PM GMT