കേരളാ ബ്ലാസ്റ്റേഴ്സ് താരങ്ങള്‍ അണ്ടര്‍ 19 ദേശീയ ടീമില്‍

കൊച്ചി:കേരളാ ബ്ലാസ്റ്റേഴ്സിന്റെ താരങ്ങളായ സനൂപ് ചന്ദ്രനും ,ജീക്‌സന്‍ സിങും അണ്ടര്‍ 19 ഇന്ത്യ ടീമില്‍ ഇടം നേടി. റഷ്യയിലെ സെന്റ് പീറ്റേഴ്‌സ്ബര്‍ഗില്‍ നടക്കുന്ന ഗ്രാനാട്കിന്‍ മെമ്മോറിയല്‍ ഇന്റര്‍നാഷണല്‍ ടൂര്‍ണമെന്റില്‍ ഇവര്‍ ഇന്ത്യക്ക് വേണ്ടി ബൂട്ടണിയും.ആതിഥേയരായ റഷ്യയും ,ബള്‍ഗേറിയയും, മള്‍ഡോവയും ഉള്‍പ്പെടുന്ന എ ഗ്രുപ്പിലാണ് ഇന്ത്യ . ജൂണ്‍ നാലിനു റഷ്യയുമായാണ് ഇന്ത്യയുടെ ആദ്യ മല്‍സരം. കേരള ബ്ലാസ്റ്റേഴ്സിന്റെ യുവ താരങ്ങള്‍ക്കു രാജ്യാന്തര തലത്തില്‍ അവരുടെ പ്രതിഭ തെളിയിക്കുവാനുള്ള അവസരമാണിതെന്നും , രാജ്യാന്തര തലത്തിലുള്ള അനുഭവങ്ങള്‍ കളിക്കളത്തില്‍ കൂടുതല്‍ മികവുറ്റവരാകാന്‍ അവരെ സഹായിക്കുമെന്നും കോച്ച് ടി എ രഞ്ജിത് പറഞ്ഞു.