അന്താരാഷ്ട്ര സൗഹൃദ മല്‍സരത്തില്‍ ജര്‍മ്മനിയെ കടപുഴക്കി ജപ്പാന്‍

ബെര്‍ലിന്‍: അന്താരാഷ്ട്ര സൗഹൃദ മല്‍സരത്തില്‍ ജര്‍മ്മനിക്ക് ഞെട്ടിക്കുന്ന തോല്‍വി. ഏഷ്യന്‍ ശക്തികളായ ജപ്പാനോട് 4-1ന്റെ പരാജയമാണ് ഹാന്‍സി ഫ്‌ളിക്കിന്റെ ടീം വഴങ്ങിയത്. ഖത്തര്‍ ലോകകപ്പിലും ജപ്പാന്‍ 2-1ന് ജര്‍മ്മനിയെ പരാജയപ്പെടുത്തിയിരുന്നു. മറ്റ് മല്‍സരങ്ങളില്‍ ചൈന മലേസ്യയോടും ദക്ഷിണാഫ്രിക്ക നമീബിയയോടും സമനില വഴങ്ങി.

യൂറോ യോഗ്യതാ റൗണ്ടില്‍ ഇറ്റലിക്ക് ഞെട്ടിക്കുന്ന സമനില. നോര്‍ത്ത് മാസിഡോണിയയോടാണ് ഇറ്റലി സമനില വഴങ്ങിയത്.കരുത്തരായ ഇംഗ്ലണ്ടിനും ഇന്ന് മോശം ദിനമായിരുന്നു. ഉക്രെയിനിനോട് 1-1ന്റെ സമനില വഴങ്ങി. അസര്‍ബെയ്ജാനോട് ഒരു ഗോളിന്റെ ജയത്തില്‍ ബെല്‍ജിയം രക്ഷപ്പെട്ടു.എസ്റ്റോണിയയെ സ്വീഡന്‍ എതിരില്ലാത്ത അഞ്ച് ഗോളിന് പരാജയപ്പെടുത്തി. കൊസോവയോട് സ്വിറ്റ്‌സര്‍ലന്റ് 2-2ന്റെ സമനില നേടി.