ഒഗ്ബഷെയ്ക്ക് ചരിത്ര നേട്ടം; ഫിഫാ ടീം ഓഫ് ദി സീസണില്‍ ഇടം

മുംബൈ: ഇന്ത്യന്‍ സൂപ്പര്‍ ലീഗ് ക്ലബ്ബ് ഹൈദരാബാദ് എഫ് സി താരം ബാര്‍ത്തലോമെ ഒഗ്ബഷെയ്ക്ക് ചരിത്ര നേട്ടം. ഇഎ സ്‌പോര്‍ട്‌സ് ഫിഫ 2022 ടീം ഓഫ് ദി സീസണില്‍ നൈജീരിയന്‍ താരം ഇടം നേടി. ആദ്യമായാണ് ഒരു ഐഎസ്എല്‍ താരം ഈ നേട്ടം കൈവരിക്കുന്നത്. ഐഎസ്എല്ലിലെ ഓള്‍ ടൈം ടോപ് സ്‌കോററാണ് ഒഗ്ബഷെ. മുന്‍ കേരളാ ബ്ലാസ്‌റ്റേഴ്‌സ് താരമായ ഒഗ്ബഷെ, നോര്‍ത്ത് ഈസ്റ്റ് യുനൈറ്റഡ്, മുംബൈ സിറ്റി എന്നിവയ്ക്ക് വേണ്ടിയും കളിച്ചിട്ടുണ്ട്. 77 മല്‍സരങ്ങളില്‍ നിന്നും 53 ഗോള്‍ താരം നേടിയിട്ടുണ്ട്.