മുംബൈ സിറ്റിയെ സമനിലയില്‍ പിടിച്ച് ഈസ്റ്റ് ബംഗാള്‍

പനാജി: ഐഎസ്എല്ലില്‍ ഇന്ന് നടന്ന മല്‍സരത്തില്‍ കരുത്തന്‍മാരായ മുംബൈ സിറ്റിക്ക് സമനില. അവസാന സ്ഥാനക്കാരായ ഈസ്റ്റ് ബംഗാളാണ് മുംബൈയെ ഗോള്‍ രഹിത സമനിലയില്‍ തളച്ചത്. ഇരുടീമും കാര്യമായ അവസരങ്ങള്‍ സൃഷ്ടിച്ചില്ല. രണ്ടാം പകുതിയില്‍ മുംബൈ ചില നീക്കങ്ങള്‍ നടത്തിയെങ്കിലും ലക്ഷ്യം കണ്ടില്ല. ലീഗില്‍ ഒരു പോയിന്റ് ലീഡില്‍ മുംബൈ സിറ്റി ഒന്നാം സ്ഥാനത്തെത്തി.എന്നാല്‍ ആറാം മല്‍സരത്തിലും ജയമില്ലാത്തത് ഈസ്റ്റ് ബംഗാളിന് തിരിച്ചടി ആയിരിക്കുകയാണ്.