ഐഎസ്എല്‍; എഫ്‌സി ഗോവാ ടീമില്‍ നെമിലും ക്രിസ്റ്റിയും

പനാജി: ഇന്ത്യന്‍ സൂപ്പര്‍ ലീഗ് ആരംഭിക്കാന്‍ ദിവസങ്ങള്‍ ബാക്കി നില്‍ക്കെ എഫ് സി ഗോവ ടീമിനെ പ്രഖ്യാപിച്ചു. 29 അംഗ ടീമില്‍ മലയാളി താരങ്ങളായ നെമില്‍ മുഹമ്മദും ക്രിസ്റ്റി ഡേവിസും സ്ഥാനം പിടിച്ചിട്ടുണ്ട്. ഗോവയുടെ ക്യാപ്റ്റന്‍ എഡു ബേഡിയയാണ്. കേരളാ ബ്ലാസ്റ്റേഴ്‌സും ഈസ്റ്റ് ബംഗാളും എടികെ മോഹന്‍ ബഗാനും ടീമുകളെ ഇതിനോടകം പ്രഖ്യാപിച്ചിട്ടുണ്ട്. ഈ മാസം 19നാണ് ഐഎസ്എല്ലിന് തുടക്കമാവുന്നത്.എടികെ മോഹന്‍ ബഗാനും കേരളാ ബ്ലാസ്‌റ്റേഴ്‌സും തമ്മിലാണ് ആദ്യ മല്‍സരം.