ഫാബിയന്‍ ഡെല്‍ഫ് വിരമിച്ചു

ലണ്ടന്‍: മുന്‍ ഇംഗ്ലണ്ട് താരം ഫാബിയന്‍ ഡെല്‍ഫ് അന്താരാഷ്ട്ര ഫുട്‌ബോളില്‍ നിന്ന് വിരമിച്ചു. 32 കാരനായ താരം ഈ സീസണില്‍ ക്ലബ്ബൊന്നുമില്ലാതെ ഫ്രീ ആയിരുന്നു. ഇംഗ്ലണ്ടിനായി 21 മല്‍സരങ്ങള്‍ കളിച്ചിട്ടുണ്ട്. മാഞ്ചസ്റ്റര്‍ സിറ്റി, എവര്‍ട്ടണ്‍, ആസ്റ്റണ്‍ വില്ല, ലീഡസ് എന്നീ ക്ലബ്ബുകള്‍ക്ക് വേണ്ടി കളിച്ചിരുന്നു. 2015ലും 2019ലും സിറ്റിക്കൊപ്പം പ്രീമിയര്‍ ലീഗ് കിരീടം നേടിയിരുന്നു.

മുന്‍ നൈജീരിയന്‍-ചെല്‍സി മിഡ്ഫീല്‍ഡറായ ജോണ്‍ ഒബി മൈക്കല്‍ വിരമിച്ചു. 35കാരനായ ഒബി ചെല്‍സിക്കൊപ്പം ചാംപ്യന്‍സ് ലീഗ്, രണ്ട് പ്രീമിയര്‍ ലീഗ് കിരീടം, നാല് എഫ് എ കപ്പ്, യൂറോപ്പാ ലീഗ് എന്നിവയും നേടിയിട്ടുണ്ട്.