ബ്ലാസ്‌റ്റേഴ്‌സ് ആരാധകര്‍ എഫ്‌സി ഗോവ ആരാധകരെ അധിക്ഷേപിച്ചതായി പരാതി

കൊച്ചി: കേരളാ ബ്ലാസ്റ്റേഴ്‌സ് ആരാധകര്‍ എഫ് സി ഗോവാ ആരാധകരെ അധിക്ഷേപിച്ചതായി പരാതി. ഐഎസ്എല്ലില്‍ രണ്ട് ദിവസം മുമ്പ് നടന്ന മല്‍സരത്തിന് ബ്ലാസ്റ്റേഴ്‌സ് സുരക്ഷ ഒരുക്കിയില്ലെന്നും ഗോവ പരാതിപ്പെട്ടു. എവേ സ്റ്റാന്‍ഡില്‍ ഗോവന്‍ ആരാധകരെ അധിക്ഷേപിച്ചു. എവേ സ്റ്റാന്‍ഡില്‍ ആരാധകര്‍ ഇടിച്ചുകയറി. മല്‍സരത്തിന് ക്ലബ്ബിനും ഗോവയുടെ ആരാധകര്‍ക്കും സുരക്ഷ ഒരുക്കിയില്ല.സബ്ബ് ചെയ്ത താരത്തിന് വാംഅപ്പിന് സഹായിക്കുമ്പോള്‍ ടീമിന്റെ ടെക്‌നിക്കല്‍ സംഘത്തിലെ ഒരംഗത്തിന് നേരെ കല്ലേറുണ്ടായി. സംഭവത്തില്‍ ബ്ലാസ്‌റ്റേഴ്‌സിനും ഐഎസ്എല്‍ അധികൃതര്‍ക്കും പരാതി നല്‍കിയിട്ടുണ്ട്. വിഷയത്തില്‍ ബ്ലാസ്റ്റേഴ്‌സ് അന്വേഷണം നടത്തണമെന്നും ഗോവ ട്വിറ്ററില്‍ ആവശ്യപ്പെട്ടു.