കവാനിയും തിയാഗോയും പിഎസ് ജി വിടും: ലിയനോര്‍ഡോ

പാരിസ്: പിഎസ്ജിയുടെ എക്കാലത്തെയും മികച്ച താരങ്ങളായ എഡിസണ്‍ കവാനിയും തിയാഗോ സില്‍വയും ക്ലബ്ബ് വിടും. താരങ്ങളുടെ കരാര്‍ പുതുക്കുന്നില്ലെന്ന് ക്ലബ്ബ് മാനേജര്‍ ലിയനോര്‍ഡോ അറിയിച്ചു. ബ്രസീല്‍ താരം തിയാഗോയുടെയും ഉറുഗ്വേ താരമായ കവാനിയുടെയും കരാര്‍ ഈ സീസണോടെ അവസാനിക്കും. ക്ലബ്ബ് വിടാന്‍ താല്‍പര്യമുണ്ടെന്ന് തിയാഗോ നേരത്തേ അറിയിച്ചിരുന്നു. താരത്തിനായി ഇംഗ്ലീഷ് ക്ലബ്ബ് എവര്‍ട്ടണ്‍ രംഗത്തുണ്ട്. 2013ല്‍ പിഎസ്ജിയിലെത്തിയ കവാനി 200 ഗോളുകള്‍ നേടിയിട്ടുണ്ട്. 2012ലാണ് സില്‍വ മിലാനില്‍ നിന്ന് പിഎസ്ജിയിലെത്തുന്നത്. ക്ലബ്ബിന്റെ ക്യാപ്റ്റന്‍ കൂടിയായ സില്‍വ എട്ടു സീസണുകളില്‍ നിന്നായി പിഎസ്ജിക്കൊപ്പം ഏഴ് ഫ്രഞ്ച് ലീഗ് കിരീടവും നാല് ഫ്രഞ്ച് കപ്പ് കിരീടവും നേടിയിട്ടുണ്ട്. മോശം ഫോമിനെ തുടര്‍ന്ന് കവാനിയെ അടുത്തിടെ പിഎസ്ജി പല മല്‍സരങ്ങളില്‍ നിന്നും തഴഞ്ഞിരുന്നു. ഇരുതാരങ്ങളും ടീമിന്റെ വിലപ്പെട്ട താരങ്ങളാണെന്നും എന്നാല്‍ ഇത്തരമൊരു തീരുമാനമെടുക്കേണ്ടത് ക്ലബ്ബിന്റെ വളര്‍ച്ച ഉദ്ദേശിച്ചാണെന്നും ലിയനോര്‍ഡോ അറിയിച്ച