Football

ക്രിസ്റ്റിയാനോ റൊണാള്‍ഡോയ്ക്ക് വിലക്ക് വരുന്നു

ഒരു മാസത്തെ വിലക്കാണ് താരങ്ങള്‍ക്ക് വരാനിരിക്കുന്നത്.

ക്രിസ്റ്റിയാനോ റൊണാള്‍ഡോയ്ക്ക് വിലക്ക് വരുന്നു
X

റിയാദ്: അല്‍ നസര്‍ ക്ലബ്ബിനായി അരങ്ങേറ്റം കുറിച്ച പോര്‍ച്ചുഗല്‍ സൂപ്പര്‍ താരം ക്രിസ്റ്റ്യാനോ റൊണാള്‍ഡോയ്ക്ക് ഫുട്‌ബോളില്‍ നിന്ന് വിലക്ക് വരുന്നു. ഇറ്റാലിയന്‍ സീരി എ ക്ലബ്ബ് യുവന്റസിലായിരുന്നപ്പോഴുള്ള കേസുമായി ബന്ധപ്പെട്ടാണ് താരത്തിന് വിലക്ക് വരിക. ടീമിന്റെ കഴിഞ്ഞ കാല ഇടപാടുകളില്‍ നടന്ന സാമ്പത്തിക തട്ടിപ്പിനെ തുടര്‍ന്ന് യുവന്റസിന്റെ ലീഗിലെ 15 പോയിന്റ് അടുത്തിടെ വെട്ടിക്കുറച്ചിരുന്നു. ക്ലബ്ബ് ഡയറ്കടര്‍മാര്‍ക്കും വിലക്കും നല്‍കിയിരുന്നു.


കൊവിഡ് സമയത്ത് നടന്ന ട്രാന്‍സ്ഫറുകളിലാണ് പുതിയ വിലക്ക് വരാനിരിക്കുന്നത്. യുവന്റസ് താരങ്ങളായിരുന്ന ക്രിസ്റ്റ്യാനോ റൊണാള്‍ഡോ, ഡിബാല, ചില്ലിനി തുടങ്ങിയ 22 താരങ്ങള്‍ക്കാണ് വിലക്ക് വരാനിരിക്കുന്നത്. ഇവരുടെ ട്രാന്‍സ്ഫറുകളില്‍ നടന്ന സാമ്പത്തിക ക്രമക്കേടാണ് തിരിച്ചടി ആയിരിക്കുന്നത്. ഒരു മാസത്തെ വിലക്കാണ് താരങ്ങള്‍ക്ക് വരാനിരിക്കുന്നത്. വിലക്ക് വരുന്നതോടെ റൊണാള്‍ഡോ അടക്കമുള്ള താരങ്ങള്‍ക്ക് ഇത് വന്‍ തിരിച്ചടിയാവും.




Next Story

RELATED STORIES

Share it