ഇസ്താംബൂളില്‍ അരങ്ങൊരുങ്ങുന്നത് ഇംഗ്ലിഷ് ചാംപ്യന്‍സ് ലീഗ് ഫൈനലിന്

ഇസ്താംബൂള്‍: മെയ്യ് 29ന് ഇസ്താംബൂളില്‍ ചാംപ്യന്‍സ് ലീഗ് ഫൈനലില്‍ ഏറ്റുമുട്ടുന്നത് ഇംഗ്ലിഷ് ക്ലബ്ബുകള്‍. പ്രീമിയര്‍ ലീഗ് കിരീടം ഉറപ്പിച്ച മാഞ്ചസ്റ്റര്‍ സിറ്റിയും നാലാം സ്ഥാനത്തുള്ള ചെല്‍സിയുമാണ് ഫൈനലില്‍ അങ്കം കുറിക്കുന്നത്. 2018-19 സീസണിലാണ് ഇതിന് മുമ്പ് ഇംഗ്ലിഷ് ഫൈനല്‍ സാധ്യമായത്. അന്ന് ലിവര്‍പൂളും ടോട്ടന്‍ഹാമമുമാണ് ഏറ്റുമുട്ടിയത്. ലിവര്‍പൂളാണ് കിരീടം നേടിയത്. ഇതിന് മുമ്പ് 2008ല്‍ മാഞ്ചസ്റ്റര്‍ യുനൈറ്റഡും ചെല്‍സിയും ഏറ്റുമുട്ടിയിരുന്നു. അന്ന് പെനാല്‍റ്റി ഷൂട്ടൗട്ടില്‍ യുനൈറ്റഡ് ജയിക്കുയായിരുന്നു.