Cricket

കൊറോണ: അശ്വിനടക്കം മൂന്ന് താരങ്ങളുടെ കരാര്‍ റദ്ദാക്കി യോര്‍ക്ക്ഷെയര്‍

ഇന്ത്യന്‍ താരം രവിചന്ദ്രന്‍ അശ്വിന്‍, കേശവ് മഹാരാജ്, വെസ്റ്റ് ഇന്‍ഡീസ് താരം നിക്കോളസ് പൂരന്‍ എന്നിവരുടെ കരാറുകളാണ് ക്ലബ്ബ് റദ്ദാക്കിയത്.

കൊറോണ: അശ്വിനടക്കം മൂന്ന് താരങ്ങളുടെ കരാര്‍ റദ്ദാക്കി യോര്‍ക്ക്ഷെയര്‍
X

ലണ്ടന്‍: കൊറോണ വൈറസ് ബാധയെത്തുടര്‍ന്നുണ്ടായ സാമ്പത്തികമാന്ദ്യം കാരണം കൗണ്ടി ക്ലബ്ബ് യോര്‍ക്ക്ഷെയര്‍ മൂന്ന് താരങ്ങളുടെ കരാര്‍ റദ്ദാക്കി. ഇന്ത്യന്‍ താരം രവിചന്ദ്രന്‍ അശ്വിന്‍, കേശവ് മഹാരാജ്, വെസ്റ്റ് ഇന്‍ഡീസ് താരം നിക്കോളസ് പൂരന്‍ എന്നിവരുടെ കരാറുകളാണ് ക്ലബ്ബ് റദ്ദാക്കിയത്. താരങ്ങളുടെ സമ്മതപ്രകാരമാണ് കരാര്‍ ഒഴിവാക്കിയതെന്ന് യോര്‍ക്ക്ഷെയര്‍ ഡയറക്ടര്‍ മാര്‍ട്ടിന്‍ മോക്സണ്‍ അറിയിച്ചു.

സാമ്പത്തികമാന്ദ്യത്തെ തുടര്‍ന്ന് വിദേശതാരങ്ങളെ ഒഴിവാക്കാമെന്ന തീരുമാനത്തിന്റെ അടിസ്ഥാനത്തിലാണ് ഇവരുടെ കരാര്‍ റദ്ദാക്കിയത്. ഭാവിയില്‍ താരങ്ങളെ ടീമിലേക്ക് പരിഗണിക്കുമെന്നും അദ്ദേഹം അറിയിച്ചു. നേരത്തെ മെയ് 28 വരെയായിരുന്നു ഇംഗ്ലണ്ടില്‍ ക്രിക്കറ്റ് നിര്‍ത്തിവച്ചത്. എന്നാല്‍, കൊറോണ വ്യാപനം തുടരുന്ന പശ്ചാത്തലത്തില്‍ ജൂലായ് അവസാനംവരെ ഇത് നീട്ടുകയായിരുന്നു. കൗണ്ടിയുടെ ഈ സീസണ്‍ അവസാനിച്ചെന്നും പുതിയ സീസണ്‍ ആഗസ്തില്‍ ആരംഭിക്കുമെന്നും മോക്സണ്‍ അറിയിച്ചു.

Next Story

RELATED STORIES

Share it