പ്രീമിയര്‍ ലീഗ്; സിറ്റി-ലിവര്‍പൂള്‍ മല്‍സരം സമനിലയില്‍

ലണ്ടന്‍: ഇംഗ്ലിഷ് പ്രീമിയര്‍ ലീഗില്‍ ലിവര്‍പൂളിനോട് സമനില വഴങ്ങി മാഞ്ചസ്റ്റര്‍ സിറ്റി. ജയിച്ചാല്‍ ഒന്നാം സ്ഥാനത്തേക്ക് കുതിക്കാനായാണ് ഇരു ടീമും ഇറങ്ങിയത്. എന്നാല്‍ മല്‍സരം 2-2 സമനിലയില്‍ അവസാനിക്കുകയായിരുന്നു. രണ്ടാം പകുതിയിലാണ് ലിവര്‍പൂള്‍ രണ്ട് ഗോളുമായി മുന്നിട്ടത്. സാദിയോ മാനെ, മുഹമ്മദ് സലാഹ് എന്നിവരിലൂടെയാണ് ചെമ്പടയുടെ ലീഡ്. ആദ്യ പകുതിയില്‍ മികച്ച കളി പുറത്തെടുത്ത സിറ്റിക്ക് ഗോളിനായി രണ്ടാം പകുതി വരെ കാത്തുനിക്കേണ്ടി വന്നു. ഫില്‍ ഫോഡന്‍, ഡീ ബ്രൂണി എന്നിവരാണ് സിറ്റിയ്ക്ക് സ്‌കോര്‍ ചെയ്ത് സമനില വാങ്ങിയത്. മറ്റൊരു മല്‍സരത്തില്‍ ആസ്റ്റണ്‍ വില്ലയെ ടോട്ടന്‍ഹാം 2-1ന് പരാജയപ്പെടുത്തി. ലെസ്റ്റര്‍ സിറ്റി ക്രിസ്റ്റല്‍ പാലസിനോട് 2-2 സമനില വഴങ്ങി.