ഒമാനെതിരെയുള്ള ട്വന്റി-20 പരമ്പരയ്ക്കുള്ള കേരള ടീമിനെ പ്രഖ്യാപിച്ചു; സാലി സാംസണ്‍ ക്യാപ്റ്റന്‍

തിരുവനന്തപുരം: ഐ സി സി റാങ്കിങ്ങില്‍ ഉള്‍പ്പെട്ട ഒമാന്‍ ദേശീയ ടീമുമായി ട്വന്റി-20 പരിശീലന മത്സരത്തിനുള്ള കേരള ക്രിക്കറ്റ് ടീം പ്രഖ്യാപിച്ചു. സഞ്ജു സാംസണ്‍ന്റെ സഹോദരന്‍ സാലി സാംസണ്‍ വിശ്വനാഥ് ആണ് ക്യാപ്റ്റന്‍. സെപ്തംബര്‍ 22 മുതല്‍ 25 വരെ മൂന്ന് മത്സരങ്ങള്‍ ആയിട്ടാണ് ക്രമീകരിച്ചിരിക്കുന്നത്. മല്‍സരത്തിന് മുന്നോടിയായിട്ടുള്ള ക്യാംപ് ഈ മാസം 16 മുതല്‍ 19 വരെ തൊടുപുഴ കെസിഎ സ്റ്റേഡിയത്തില്‍ വച്ച് നടക്കും. സെപ്തംബര്‍ 20 ന് കൊച്ചി അന്താരാഷ്ട്ര വിമാനത്താവളത്തില്‍ നിന്നും ടീം അംഗങ്ങള്‍ ഒമാനിലേയ്ക്ക് തിരിക്കും.

ടീം അംഗങ്ങള്‍ : സാലി വിശ്വനാഥ് , കൃഷ്ണ പ്രസാദ്, വിഷ്ണു വിനോദ്, അജ്‌നാസ് എം, വിനൂപ് എസ് മനോഹരന്‍ ,അഖില്‍ സ്‌കറിയ, സിബിന്‍ പി ഗിരീഷ്, അന്‍ഫല്‍ പി എം, കൃഷ്ണ ദേവന്‍ ആര്‍ ജെ , ജെറിന്‍ പി എസ്, രാഹുല്‍ ചന്ദ്രന്‍,സിജോമോന്‍ ജോസഫ്, മുഹമ്മദ് ആഷിക്, ആസിഫ് കെ.എം, അബ്ദുള്‍ ബാസിത് പി എ, അര്‍ജുന്‍ എ കെ, അജയഘോഷ് എന്‍ എസ്, കോച്ച് അഭിഷേക് മോഹന്‍, മാനേജര്‍ - അജിത്കുമാര്‍.