ഐപിഎല്‍; ഷോര്‍ട്ട് ലിസ്റ്റില്‍ അര്‍ജ്ജുന്‍ ടെണ്ടുല്‍ക്കറും

മുംബൈ: ഒരാഴ്ച കഴിഞ്ഞ നടക്കുന്ന ഐപിഎല്‍ ലേലത്തിനായുള്ള ഷോര്‍ട്ട്‌ലിസ്റ്റില്‍ ക്രിക്കറ്റ് ഇതിഹാസം സച്ചിന്‍ ടെണ്ടുല്‍ക്കറുടെ മകനും മുംബൈ താരവുമായ അര്‍ജ്ജുന്‍ ടെണ്ടുല്‍ക്കറും ഇടം നേടി. ലേലത്തിനായുള്ള ലിസ്റ്റില്‍ 292 പേരാണ് ഇടം നേടിയത്. 21 കാരനായ അര്‍ജ്ജുന്‍ ഓള്‍ റൗണ്ടര്‍ വിഭാഗത്തിലാണ് ഇടം നേടിയത്. ട്വന്റി-20യിലെ താരത്തിന്റെ അരങ്ങേറ്റം സയ്യിദ് മുഷ്താഖ് അലി ട്രോഫിയിലായിരുന്നു. മുംബൈക്ക് വേണ്ടി കാര്യമായ പ്രകടനം കാഴ്ചവയ്ക്കാന്‍ അര്‍ജ്ജുന് ആയിരുന്നില്ല. എന്നാല്‍ വിജയ് ഹസാരെ ട്രോഫിക്കായുള്ള മുംബൈ ടീമില്‍ താരം ഇടം നേടിയിട്ടില്ല. ഐപിഎല്ലില്‍ 20 ലക്ഷം അടിസ്ഥാന വിലയാണ് താരത്തിനുള്ളത്. 1114 കളിക്കാരാണ് ലേലത്തിനായി രജിസ്ട്രര്‍ ചെയ്തത്. ഇതില്‍ നിന്നാണ് 292 താരങ്ങളുടെ ഷോര്‍ട്ട് ലിസ്റ്റ് കഴിഞ്ഞ ദിവസം പ്രഖ്യാപിച്ചത്. 164 ഇന്ത്യന്‍ താരങ്ങളും 125 വിദേശ താരങ്ങളും ലിസ്റ്റില്‍ ഉള്‍പ്പെട്ടിട്ടുണ്ട്.