ഐപിഎല്‍; വാര്‍ണറും ടീമും ഇന്ന് മുംബൈ ഇന്ത്യന്‍സിനെതിരേ

ചെന്നൈ; ഇന്ത്യന്‍ പ്രീമിയര്‍ ലീഗില്‍ ആദ്യ ജയം തേടി സണ്‍റൈസേഴ്‌സ് ഹൈദരാബാദ് ഇന്ന് മുംബൈ ഇന്ത്യന്‍സിനെതിരേ ഇറങ്ങും. റോയല്‍ ചാലഞ്ചേഴ്‌സ് ബാംഗ്ലൂരിനെതിരേയും കൊല്‍ക്കത്താ നൈറ്റ് റൈഡേഴ്‌സിനെതിരേയുമാണ് സണ്‍റൈസേഴ്‌സിന്റെ തോല്‍വി. ആദ്യ മല്‍സരത്തില്‍ ബാംഗ്ലൂരിനോട് തോറ്റ മുംബൈ ആവട്ടെ രണ്ടാം മല്‍സരത്തില്‍ കൊല്‍ക്കത്തയോട് ജയിച്ച് കരുത്ത് തെളിയിച്ചിരുന്നു. വിജയകുതിപ്പ് തുടരാനാണ് ചാംപ്യന്‍മാരുടെ ശ്രമം. വാര്‍ണര്‍, മനീഷ് പാണ്ഡെ, ജോണി ബെയര്‍സ്‌റ്റോ എന്നിവര്‍ ബാറ്റിങില്‍ തിളങ്ങിയെങ്കിലും ടീമിനെ ജയത്തിലേക്ക് നയിക്കാന്‍ കഴിഞ്ഞിട്ടില്ല. ബൗളിങ് നിരയ്ക്കും കാര്യമായ പ്രകടനം ഇതുവരെ നടത്താന്‍ കഴിഞ്ഞിട്ടില്ല. മുംബൈ കഴിഞ്ഞ മല്‍സരത്തിലെ ടീമിനെ നിലനിര്‍ത്തുമ്പോള്‍ ഹൈദരാബാദ് ടീമില്‍ മാറ്റം വരുത്തിയേക്കും. മുജീബുര്‍ റഹ്മാന്‍, കേദര്‍ ജാദവ് എന്നിവര്‍ ഇന്ന് സണ്‍റൈസേഴ്‌സിനായി ഇറങ്ങിയേക്കും.