ഇംഗ്ലണ്ടില്‍ ഏകദിന-ട്വന്റി പരമ്പര; രോഹിത്ത് നയിക്കും; സഞ്ജു ടീമില്‍

ലണ്ടന്‍: ഇംഗ്ലണ്ടിനെതിരായ ഏകദിന-ട്വന്റി പരമ്പരകളില്‍ ടീം ഇന്ത്യയെ രോഹിത്ത് ശര്‍മ്മ തന്നെ നയിക്കും. രോഹിത്ത് കൊവിഡ് മുക്തനായെന്ന് ബിസിസിഐ അറിയിച്ചു. പരമ്പരയ്ക്കുള്ള ടീമിനെ ബിസിസിഐ പ്രഖ്യാപിച്ചു. ജൂലായ് ഏഴിനാണ് ട്വന്റി-20 ആദ്യ മല്‍സരം. ഈ സ്‌ക്വാഡില്‍ മലയാളി താരം സഞ്ജു സാംസണ്‍ ഇടം നേടിയിട്ടുണ്ട്. അര്‍ഷദീപ് സിങ് ആദ്യ ട്വന്റിയില്‍ അരങ്ങേറ്റം നടത്തും.മൂന്ന് മല്‍സരങ്ങള്‍ക്കായി മൂന്ന് ടീമിനെയാണ് ബോര്‍ഡ് പ്രഖ്യാപിച്ചത്. ആദ്യ മൂന്ന് മല്‍സരങ്ങളിലും ഉമ്രാന്‍ മാലിഖും ദിനേശ് കാര്‍ത്തിക്കും ഇടം നേടി. ഇരുവരെയും ഏകദിന സ്‌ക്വാഡില്‍ നിന്ന് ഒഴിവാക്കി. വിരാട് കോഹ്‌ലി രണ്ടാം ട്വന്റി മുതല്‍ ടീമിനൊപ്പം ചേരും.