ധവാനും ശ്രേയസ്സും പരിശീലനം തുടങ്ങി; ഋതുരാജ് ഐസുലേഷനില്‍

അഹ്‌മദാബാദ്: കൊവിഡ് പോസ്റ്റീവായ ഇന്ത്യന്‍ ബാറ്റ്‌സ്മാന്‍മാരായ ശിഖര്‍ ധവാനും ശ്രേയസ്സ് അയ്യരും കൊവിഡ് മുക്തരായി. ഇരുവരും ഇന്ന് പരിശീലനം ആരംഭിച്ചു. പരിശീലനത്തിന്റെ വീഡിയോ ധവാന്‍ ട്വിറ്ററില്‍ പോസ്റ്റ് ചെയ്തിരുന്നു. എന്നാല്‍ ഋതുരാജ് ഗെയ്ക്ക്‌വാദ് ഐസുലേഷനില്‍ തുടരുകയാണ്. നാളെ അഹ്‌മദാബാദില്‍ നടക്കാനിരിക്കുന്ന രണ്ടാം ഏകദിനത്തില്‍ താരങ്ങള്‍ കളിക്കുന്ന കാര്യത്തില്‍ തീരുമാനമായിട്ടില്ല. ആദ്യ ഏകദിനം ജയിച്ച ഇന്ത്യ രണ്ടാം ഏകദിനവും ജയിച്ച് പരമ്പര സ്വന്തമാക്കാനാണ് ഇറങ്ങുന്നത്.