ഐപിഎല്; റോയല്സിനെ 45 റണ്സിന് തോല്പ്പിച്ച് സൂപ്പര് കിങ്സ്
ജോസ് ബട്ലര് മാത്രമാണ് രാജസ്ഥാന് നിരയില് പിടിച്ചുനിന്നത്.
![ഐപിഎല്; റോയല്സിനെ 45 റണ്സിന് തോല്പ്പിച്ച് സൂപ്പര് കിങ്സ് ഐപിഎല്; റോയല്സിനെ 45 റണ്സിന് തോല്പ്പിച്ച് സൂപ്പര് കിങ്സ്](https://www.thejasnews.com/h-upload/2021/04/19/145700-nli3tik4ipl-chennai-super-kings-ravindra-jadeja-live-blog-csk-vs-rr625x30019april21.webp)
മുംബൈ: ഇന്ത്യന് സൂപ്പര് ലീഗില് രണ്ടാം ജയം മോഹിച്ചിറങ്ങിയ രാജസ്ഥാന് റോയല്സിന് തോല്വി. ചെന്നൈ സൂപ്പര് കിങ്സിനെതിരേ 45 റണ്സിന്റെ തോല്വിയാണ് രാജസ്ഥാന് ഏറ്റുവാങ്ങിയത്. 189 റണ്സിന്റെ ലക്ഷ്യവുമായിറങ്ങിയ രാജസ്ഥാനെ ചെന്നൈ 143 റണ്സിന് പുറത്താക്കുകയായിരുന്നു. ചെന്നൈ ബൗളിങ് നിര ഒന്നാകെ ഫോമിലേക്കുയര്ന്നതോടെ രാജസ്ഥാന് പൊരുതാന് കഴിഞ്ഞില്ല. ജോസ് ബട്ലര് മാത്രമാണ് രാജസ്ഥാന് നിരയില് പിടിച്ചുനിന്നത്. ക്യാപ്റ്റന് സഞ്ജു സാംസണ് ഒരു റണ്സെടുത്ത് പുറത്തായപ്പോള് വൊഹറാ (14), ഡുംബേ (17), തേവാട്ടിയ (20), ഉന്ധകട്ട്(24) എന്നിവരാണ് രാജസ്ഥാന് നിരയില് രണ്ടക്കം കണ്ടവര്. ചെന്നൈയ്ക്കായി മോയിന് അലി മൂന്നും സാം കറന്, ജഡേജ എന്നിവര് രണ്ടും ഠാക്കൂര്, ബ്രാവോ എന്നിവര് ഓരോ വിക്കറ്റും വീഴ്ത്തി.
നേരത്തെ ടോസ് നേടിയ രാജസ്ഥാന് റോയല്സ് ചെന്നൈയെ ബാറ്റിങിനയക്കുകയായിരുന്നു.നിശ്ചിത ഓവറില് ഒമ്പത് വിക്കറ്റ് നഷ്ടത്തില് ചെന്നൈ 188 റണ്സെടുത്തു. ഫഫ് ഡു പ്ലിസ്സിസ്(33), മോയിന് അലി(26), അമ്പാട്ടി റായിഡു (27), ബ്രാവോ (20*), ധോണി (18), റെയ്ന (18) എന്നിവരാണ് ചെന്നൈ നിരയില് രണ്ടക്കം നേടിയവര്. രാജസ്ഥാനായി ചേതന് സ്കറിയ മൂന്നും ക്രിസ് മോറിസ് രണ്ടും വിക്കറ്റ് വീഴ്ത്തി.
ലീഗിലെ രണ്ടാം ജയത്തോടെ ചെന്നൈ പോയിന്റ് നിലയില് രണ്ടാം സ്ഥാനത്തെത്തി. ഒരു ജയം മാത്രമുള്ള രാജസ്ഥാന് ലീഗില് ആറാം സ്ഥാനത്താണ്.
RELATED STORIES
മണപ്പുറം ഫിനാന്സ് തട്ടിപ്പ്; പ്രതി ധന്യാ മോഹന് പോലിസില് കീഴടങ്ങി
26 July 2024 5:46 PM GMTആര്എസ്എസിനെ പുകഴ്ത്തിയും വിലക്കിനെ വിമര്ശിച്ചും മധ്യപ്രദേശ്...
26 July 2024 5:25 PM GMT'അര്ജുനെ കണ്ടെത്താന് കുടുതല് ഇടപെടല് വേണം'; പ്രതിരോധ മന്ത്രിക്കും...
26 July 2024 5:06 PM GMTഖാന് യൂനിസില് വീണ്ടും ഇസ്രായേല് കൂട്ടക്കുരുതി; 18 പേര്...
26 July 2024 4:55 PM GMTസംസ്ഥാന സ്കൂള് കലോല്സവം ഡിസംബര് മൂന്നുമുതല് തിരുവനന്തപുരത്ത്
26 July 2024 4:45 PM GMTനീറ്റ് യുജി പുതുക്കിയ റാങ്ക് പട്ടിക പുറത്തിറക്കി; കണ്ണൂര് സ്വദേശി...
26 July 2024 4:29 PM GMT