ഇന്നിങ്‌സില്‍ 10 വിക്കറ്റ് ; അജാസ് പട്ടേല്‍ കിവി ടീമില്‍ നിന്നും പുറത്ത്

വില്ലിങ്ടണ്‍: ഇന്ത്യയ്‌ക്കെതിരേ ഒരു ഇന്നിങ്‌സില്‍ 10 വിക്കറ്റ് നേടിയ അജാസ് പട്ടേല്‍ ന്യൂസിലന്റ് ടീമില്‍ നിന്നും പുറത്ത്.ബംഗ്ലാദേശിനെതിരേ ഉടന്‍ ആരംഭിക്കാനിരിക്കുന്ന ടെസ്റ്റ് പരമ്പരയില്‍ നിന്നാണ് ഇന്ത്യന്‍ വംശജനായ അജാസിനെ പുറത്ത് ഇരുത്തിയത്. ലോക ക്രിക്കറ്റില്‍ ഒരു ഇന്നിങ്‌സില്‍ 10 വിക്കറ്റ് നേട്ടം സ്വന്തമാക്കിയ മൂന്നാമത്തെ താരമെന്ന റെക്കോഡ് ഈ മാസം ആദ്യം മുംബൈയിലാണ് അജാസ് നേടിയത്. അജാസിന് പകരം ഇന്ത്യന്‍ വംശജനായ ഓള്‍ റൗണ്ടര്‍ രചിന്‍ രവീന്ദ്രനെയാണ് ടീമിലെടുത്തിരിക്കുന്നത്. രവീന്ദ്ര സ്പിന്‍ ബൗളറാണ്.