വേള്‍ഡ് മലയാളി കൗണ്‍സില്‍ ലോക മലയാള ദിനാഘോഷം

ദുബയ്: വേള്‍ഡ് മലയാളി കൗണ്‍സില്‍ അല്‍ ഐന്‍ പ്രൊവിന്‍സ് കേരളപ്പിറവിയോട് അനുബന്ധിച്ച് ലോക മലയാള ദിനാഘോഷം സംഘടിപ്പിച്ചു. പ്രസ്തുത ചടങ്ങില്‍ ഭാഷാപ്രതിജ്ഞ ചൊല്ലുകയും 'മലയാളവും ആനുകാലിക സാഹചര്യങ്ങളും' എന്ന വിഷയത്തില്‍ സംവാദവും നടത്തുകയുണ്ടായി. പ്രൊവിന്‍സിലെ കുടുംബങ്ങള്‍ പങ്കെടുത്ത കലാപരിപാടികളും കൊവിഡ് മാനദണ്ഡങ്ങള്‍ പാലിച്ചുള്ള കുടംബസംഗമവും നടത്തി. കേരളപ്പിറവി ആഘോഷങ്ങള്‍ക്ക് പുറമെ കുടംബങ്ങള്‍ തമ്മില്‍ മധുരം കൈമാറി ദീപാവലി ആഘോഷവും നടത്തി.

ഡബ്ല്യുഎംസി അല്‍ ഐന്‍ പ്രൊവിന്‍സ് പ്രസിഡന്റ് വര്‍ഗീസ് പനക്കല്‍ അധ്യക്ഷത വഹിച്ചു. ഗ്ലോബല്‍ വൈസ് പ്രസിഡന്റ് അഡ്മിന്‍ സി യു മത്തായി മുഖ്യാഥിതി ആയിരുന്നു. ഗ്ലോബല്‍ സെക്രട്ടറി ജിമ്മി, മിഡ്ഡില്‍ ഈസ്റ്റ് റീജ്യന്‍ വൈസ് പ്രസിഡന്റ് അഡ്മിന്‍ വിനീഷ് മോഹന്‍, ട്രഷറര്‍ രാജീവ് കുമാര്‍, സെക്രട്ടറി സി എ ബിജു എന്നിവര്‍ ചടങ്ങില്‍ സംസാരിച്ചു. ഗ്ലോബല്‍ ലേഡീസ് ഫോറം പ്രസിഡന്റ് ജാനറ്റ് വര്‍ഗീസ്, അലൈന്‍ പ്രൊവിന്‍സ് അഡൈ്വസറി ബോര്‍ഡ് ചെയര്‍മാന്‍ ഡോ. സുധാകരന്‍, മെംബര്‍ ഡോക്ടര്‍ ഷാഹുല്‍ ഹമീദ് തുടങ്ങിവര്‍ ആശംസാ പ്രസംഗം നടത്തുക്കുകയും ഡോ. സുനീഷ് ഭാഷാ പ്രതിജ്ഞ ചോല്ലിക്കൊടുക്കുകയും ചെയ്തു.