വിമന്‍സ് ഫ്രറ്റേണിറ്റി വനിതാദിനസംഗമം നടത്തി

ദോഹ: ലോകവനിതാ ദിനാചരണ ഭാഗമായി വിമന്‍സ് ഫ്രറ്റേണിറ്റി ഖത്തര്‍ ചാപ്റ്റര്‍ സംഗമം നടത്തി. 'സ്ത്രീയുടെ അവകാശങ്ങള്‍; വിമര്‍ശനങ്ങളും വസ്തുതകളും' എന്ന വിഷയത്തില്‍ ഹസീന ക്ലാസെടുത്തു. 'സ്ത്രീശാക്തീകരണം, ഇസ്‌ലാമിലെ സ്ത്രീ' എന്ന ആശയത്തിലൂന്നി വിവിധ ഏരിയകളിലെ പ്രവര്‍ത്തകര്‍ അവതരിപ്പിച്ച കലാപരിപാടികള്‍ അരങ്ങേറി. അല്‍ ഫിത്‌റ ഇസ്‌ലാമിക് പ്രീസ്‌കൂള്‍ പ്രിന്‍സിപ്പല്‍ ഷൈമ, ഫോക്കസ് ലേഡീസ് അഡ്മിന്‍ കോ-ഓഡിനേറ്റര്‍ സുആദ അമീന്‍, ബുഷ്‌റ സലാം, മുബീന അബൂബക്കര്‍ സംസാരിച്ചു. വിമന്‍സ് ഫ്രറ്റേണിറ്റി പിആര്‍ ഇന്‍ ചാര്‍ജ്ജ് സഫീറ നേതൃത്വം നല്‍കി. ആയിശ ഖിറാഅത്ത് നടത്തി.