'ദ മസ്സേജ്' എക്‌സ്ബിഷന്‍ 12ന് തുടങ്ങും

മസ്‌കത്ത്: മനുഷ്യ ജീവിതത്തിന്റെ യഥാര്‍ത്ഥ അര്‍ത്ഥ തലങ്ങളിലേക്ക് വെളിച്ചം വീശുക വഴി ഏകനായ സൃഷ്ടാവിന്റെ അസ്തിത്വം ബോധ്യപ്പെടുത്തുന്ന എക്‌സിബിഷന് ഒമാന്‍ ഇന്ത്യന്‍ ഇസ്‌ലാഹി സെന്റര്‍ തുടക്കം കുറിക്കുകയാണ്. ഈ മാസം പന്ത്രണ്ടാം തീയതി വെള്ളിയാഴ്ച വൈകിട്ട് രണ്ട് മണിമുതല്‍ രാത്രി 10 വരെയും പതിമൂന്നാം തീയതി ശനിയാഴ്ച കാലത്ത് 9 മുതല്‍ രാത്രി 10 വരെ നീണ്ടുനില്‍ക്കുന്ന 'ദ മെസ്സേജ് 'മെഡിക്കല്‍ ആന്‍ഡ് ഇസ്‌ലാമിക് എക്‌സിബിഷന്‍ റൂവി അല്‍മാസ ഹാളില്‍ അരങ്ങേറും. ഓഡിയോ ആന്‍ഡ് വിഷ്വല്‍ തിയേറ്ററിന് പുറമേ 'കൗമാരം: കൈപിടിക്കാം മുന്നില്‍ നടക്കാം എന്ന ബോധവല്‍ക്കരണ കൗണ്ടറും ഇന്റര്‍ ആക്ടീവ് സെഷനുകളും സംശയ നിവാരണത്തിനുള്ള അവസരവും ഒരുക്കുന്നുണ്ട്. നിരവധി ഡെമോണ്‍സ്‌ട്രേറ്റര്‍മാരുടെ സേവനവും ലഭ്യമാണ്.