പശ്ചിമേഷ്യയിലെ ഏറ്റവും വലിയ അക്വേറിയം ഉള്പ്പെടുന്ന മാള് ഒമാനില്
മബേല നെസ്റ്റോ ഹൈപ്പര് മാര്ക്കറ്റിനു സമീപം വിശാലമായ കാര് പാര്ക്കിംഗ് സൗകര്യത്തോടെ നിര്മിച്ച 'മാള് ഓഫ് മസ്കറ്റ്' ഒമാനിലെ ഏറ്റവും വലിയ മാളെന്ന ഖ്യാതി ഇതിനകം നേടിക്കഴിഞ്ഞു.
മബേല: പശ്ചിമേഷ്യയിലെ ഏറ്റവും വലിയ അക്വേറിയം ഉള്പ്പെടുന്ന മാള് ഏപ്രില് പതിനഞ്ചാം തീയതി ഒമാനില് തുറക്കുന്നു. മബേല നെസ്റ്റോ ഹൈപ്പര് മാര്ക്കറ്റിനു സമീപം വിശാലമായ കാര് പാര്ക്കിംഗ് സൗകര്യത്തോടെ നിര്മിച്ച 'മാള് ഓഫ് മസ്കറ്റ്' ഒമാനിലെ ഏറ്റവും വലിയ മാളെന്ന ഖ്യാതി ഇതിനകം നേടിക്കഴിഞ്ഞു.
20 സിനിമാ സ്ക്രീനുകള്ക്ക് പുറമേ സ്നോ പാര്ക്കടക്കമുള്ള വിനോദ കേന്ദ്രങ്ങള്, ഇരുന്നൂറില് പരം അന്താരാഷ്ട്ര നിലവാരത്തിലുള്ള വ്യാപാരസ്ഥാപനങ്ങള് തുടങ്ങിയവ മാള് ഓഫ് മസ്കത്തിന്റെ പ്രത്യേകതയാണ്. മുപ്പതിനായിരം കടല് ജീവികളും ആയിരത്തിലധികം മത്സ്യങ്ങളും ഉള്പ്പെടുന്ന അക്വേറിയം സന്ദര്ശകരെ ആകര്ഷിക്കുമെന്നുറപ്പ്.
മസ്കത്തിലെ ലുലു ഹൈപ്പര്മാര്ക്കറ്റിന്റെ വിവിധ ശാഖകളെ അപേക്ഷിച്ച് വിശാലമായ ഷോറൂമാണ് ഇവിടെ ഒരുക്കിയിട്ടുള്ളത്. ഇരുപത്തിനാലാമത് ലുലുവിന്റെ ശാഖ എന്ന പ്രത്യേകത കൂടിയുണ്ട്. ഒപ്പം ലുലുവിന്റെ കീഴിലുള്ള 'റിയോ' എന്ന റെഡിമെയ്ഡ് വസ്ത്രാലയവും ഇതോടനുബന്ധിച്ച് സ്ഥാപിച്ചിട്ടുണ്ട്. ഒമാനിലെ ആറാമത്തെ ശാഖ കൂടിയാണ് റിയോ. സ്നോ പാര്ക്കിലും അക്വേറിയത്തിലും ഇതര വിനോദ കേന്ദ്രങ്ങളിലും പ്രവേശിക്കുന്നതിന് നിശ്ചിത ഫീ ഈടാക്കുമെന്ന് ബന്ധപ്പെട്ടവര് അറിയിച്ചു.
RELATED STORIES
വീടിന്റെ മൂന്നാംനിലയില് നിന്നു വീണ് വിദ്യാര്ഥിനി മരിച്ചു
18 April 2024 1:25 AM GMTകല്പ്പറ്റയില് സ്കൂട്ടര് താഴ്ചയിലേക്ക് മറിഞ്ഞ് മെഡിക്കല്...
18 April 2024 1:15 AM GMTലബനാനില് ഇസ്രായേല് വ്യോമാക്രമണം; ഹിസ്ബുല്ല ആക്രമണത്തിന് മറുപടിയെന്ന്
17 April 2024 6:22 PM GMTതെലങ്കാനയില് ക്രിസ്ത്യന് സ്കൂളിനു നേരെ ഹിന്ദുത്വരുടെ ആക്രമണം; 'ജയ്...
17 April 2024 1:59 PM GMTകനത്ത മഴ; തിരുവനന്തപുരത്ത് നിന്നും യുഎഇയിലേക്കുളള നാല് വിമാനങ്ങള്...
17 April 2024 12:46 PM GMTബിജെപി എംപി കരാഡി സങ്കണ്ണ അമരപ്പ കോൺഗ്രസിൽ ചേർന്നു
17 April 2024 12:45 PM GMT