ദുബയിലെ വിദ്യാലയത്തില്‍ മലയാളി ജീവനൊടുക്കി

ദുബയ്: മലയാളി ജീവനക്കാരനെ ദുബയിലെ വിദ്യാലയത്തില്‍ ആത്മഹത്യ ചെയ്ത നിലയില്‍ കണ്ടെത്തി. ജുമൈറയിലെ അല്‍ വസല്‍ റോഡില്‍ പ്രവര്‍ത്തിക്കുന്ന മലയാളിയുടെ ഉടമസ്ഥതയിലുള്ള ജെംസ് ജുമൈറ കോളേജിലെ ജീവനക്കാരനായ കോട്ടയം സ്വദേശി ഷിബിന്‍ തോമസ് ആണ് ആത്മഹത്യ ചെയ്ത നിലയില്‍ കണ്ടെത്തിയത്. ഈ സമയം വിദ്യാര്‍ത്ഥികളാരും സ്ഥാപനത്തില്‍ ഉണ്ടായിരുന്നില്ലെന്ന് കോളേജ് അധികൃതര്‍ വാര്‍ത്താ കുറിപ്പില്‍ അറിയിച്ചു. സംഭവത്തെ തുടര്‍ന്ന് വിദ്യാലയത്തിന് ഒരു ദിവസം അവധി നല്‍കുകയായിരുന്നു. പോലീസ് അന്യേഷണം ആരംഭിച്ചിട്ടുണ്ട്.