വാഹനമിടിച്ച് കൊണ്ടോട്ടി സ്വദേശി ജിദ്ദയില് മരിച്ചു
മങ്ങാട്ടുചാലില് എം സി മുഹമ്മദ് ഷാ ഹാജിയുടെ മകന് അബൂബക്കര് സിദ്ദീഖ് (47) ആണ് മരിച്ചത്.

ജിദ്ദ: വാഹനമിടിച്ച് കൊണ്ടോട്ടി ഒളവട്ടൂര് മങ്ങാട്ടുചാലില് എം സി മുഹമ്മദ് ഷാ ഹാജിയുടെ മകന് അബൂബക്കര് സിദ്ദീഖ് (47) ജിദ്ദയില് മരിച്ചു. ജിദ്ദ ഇര്ഫാന് ആശുപത്രിക്കു സമീപം സിത്തീന് (മലിക് ഫഹദ്) റോഡിലാണ് അപകടം.
സൈക്കില് ചത്വരത്തിനു സമീപം ഭക്ഷ്യധാന്യങ്ങള് പൊടിച്ച് നല്കുന്ന കട നടത്തി വരികയായിരുന്നു. ദേഹാസ്വാസ്ഥ്യത്തെ തുടര്ന്ന് കഴിഞ്ഞ ദിവസം ആശുപത്രിയില് പോയി ഡോക്ടറെ കാണുകയും ക്വാറന്റൈനില് പോകാന് നിര്ദേശിക്കുകയും ചെയ്തിരുന്നു. ഇതിനിടെ രാത്രിയില് ഭക്ഷണം വാങ്ങാനായി പുറത്തിറങ്ങിയപ്പോഴാണ് അപകടം സംഭവിച്ചതെന്ന് കരുതുന്നു. 19 വര്ഷമായി ജിദ്ദയിലുള്ള ഇദ്ദേഹം ഫൈസലിയയില് ബന്ധുക്കള്ക്കൊപ്പമാണ് താമസിച്ചിരുന്നത്. മാതാവ് മറിയുമ്മ. ഭാര്യ: ഫാത്തിമ സലീല. മക്കള് ഹിബമറിയം, ഹിഷാം. സഹോദരങ്ങള്: മുഹമ്മദ്, അബ്ദുല്ല, അബ്ദുറഹ്മാന് (ഇരുവരും ജിദ്ദ) , ഉമ്മര്, ആയമ്മ, ഫാത്തിമ, ആമിന, ഖദീജ.
ഇര്ഫാന് ആശുപത്രി മോര്ച്ചറിയില് സൂക്ഷിച്ച മൃതദേഹം ജിദ്ദയില് കബറടക്കും. നിയമ നടപടികള് പൂര്ത്തിയാക്കുന്നതിന് കെഎംസിസി പ്രവര്ത്തകരായ നാസര് ഒളവട്ടൂര്, സിദ്ദീഖ് ഒളവട്ടൂര്, മുസ്തഫ ഒളവട്ടൂര്, അസ്കര് ഒളവട്ടൂര്, ശരീഫ്, കുഞ്ഞിമുഹമ്മദ് ഒളവട്ടൂര് രംഗത്തുണ്ട്.
RELATED STORIES
ഷര്ട്ട് നല്കി, ചെയ്ത തെറ്റ് പെണ്കുട്ടിയെ ആശുപത്രിയില്...
2 Oct 2023 7:01 AM GMTഐഎസ്എല്ലില് വിജയം തുടര്ന്ന് ബ്ലാസ്റ്റേഴ്സ്; ലൂണ രക്ഷകന്
1 Oct 2023 5:29 PM GMTഏഷ്യന് ഗെയിംസ്; പുരുഷ ലോങ്ജംപില് ശ്രീശങ്കറിന് വെള്ളി
1 Oct 2023 2:29 PM GMTസഹകരണ തട്ടിപ്പ് ആരോപിച്ച് വി എസ് ശിവകുമാറിന്റെ വസതിയില് നിക്ഷേപകര്...
1 Oct 2023 10:09 AM GMTമെഡിക്കല് വിദ്യാര്ത്ഥിനിക്ക് നേരെ പട്ടാപകല് കയ്യേറ്റം
1 Oct 2023 4:09 AM GMTറോഡിന്റെ ശോചനീയാവസ്ഥക്കെതിരെ എസ് ഡി പി ഐ പ്രതിഷേധം
1 Oct 2023 4:02 AM GMT